ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
ஒளிப்பதிவாளர் நட்டி என்கிற நட்ராஜ் நடிக்கும் படம் போங்கு. ருஹி சிங் ஹீரோயின். முண்டாசுப்பட்டி ராம்தாஸ், அர்ஜுன், அதுல் குல்கர்னி, ஷரத் லோகித்தாஸ் நடிக்கிறார்கள். மகேஷ் முத்துசாமி ஒளிப்பதிவு செய்கிறார். தாஜ் இயக்குகிறார் ஸ்ரீகாந்த் தேவா இசை அமைக்கிறார். இதன் பாடல் வெளியீட்டு விழா சத்யம் தியேட்டரில் நடந்தது. இதில் கலந்து கொண்டு இயக்குனர் லிங்குசாமி பேசியதாவது:
ஒளிப்பதிவாளர் நட்டி எனது பல ஆண்டுகால நண்பர். அவரது படமான சதுரங்க வேட்டையை நான்தான் எல்லா இடங்களுக்கும் எடுத்துச் சென்றேன். அவர் ஒளிப்பதிவாளரக இருந்து நடிகராகியிருக்கிறார். நான் இயக்குனராக இருந்து தயாரிப்பாளராகியிருக்கிறேன். பல இசை அமைப்பாளர்கள் நடிகர்களாக மாறியிருக்கிறார். பாடகர்கள் நடிகராகியிருக்கிறார்கள். இப்படி ஒரு துறையிலிருந்து மற்றொரு துறைக்கு போங்கு ஆட்டம் நடக்கிறது. இது ஒரு நல்ல போக்குதான். நம்மிடம் இருக்கிற திறமைகள் அனைத்தையும் காட்டுவதற்கு சினிமா பிளாட்பார்ம் அமைத்து தருகிறது என்றார்.
பார்த்திபன் பேசும்போது: சுத்தமான தங்கத்தில் நகை செய்ய முடியாது. அதனுடன் கொஞ்சம் செம்பு கலக்க வேண்டும். அதுதான் போங்கு. நல்ல தண்ணீரில் மீன் வளராது அதற்கு கொஞ்சம் அழுக்கு வேண்டும் அதுதான் போங்கு. வாழ்க்கையின் எல்லா விஷயத்திலும் போங்கு இருக்கிறது. அதனால் தான் வாழ்க்கை சுவாரஸ்யமாக இருக்கிறது என்றார்.
விழாவில் தயாரிப்பளார் சங்கத் தலைவர் கலைப்புலி எஸ்.தாணு, நடிகர் சிபிராஜ், நடிகைகள் சிருஷ்டி டாங்கே, பூஜாகுமார், மனீஷாஸ்ரீ, உள்பட பலர் கலந்து கொண்டனர்.