மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி |
கௌதம் மேனன் கையை வைத்தால் அந்தப் படம் அவ்வளவு சீக்கிரத்தில் முடியாது என்ற பேச்சு திரையுலகில் ஒலிக்கிறது. சிம்புவை வைத்து ஏறக்குறைய மூன்று வருடங்களுக்கு முன் 'அச்சம் என்பது மடமையடா' என்ற படத்தை ஆரம்பித்தார் கௌதம் மேனன். அந்தப் படத்தை இயக்கிக் கொண்டிருக்கும் போதே, அஜித்தை வைத்து என்னை அறிந்தால் படத்தை இயக்கும் வாய்ப்பு வந்ததால் சிம்பு படத்தை கிடப்பில் போட்டார்.
என்னை அறிந்தால் படத்தை முடித்துவிட்டு வந்த பிறகு மீண்டும் சிம்பு படத்தை ஆரம்பித்தார். அந்தப் படத்தின் படப்பிடிப்பு நடைபெற்றுக் கொண்டிருக்கும்போதே, தனுஷை பேட்டி எடுப்பதாக சொல்லி அவரை சந்தித்து, அவருடன் நட்பு வளர்த்து, அதே வேகத்தில் அவரிடம் ஒரு கதையையும் சொல்லி, கால்ஷீட்டையும் வாங்கினார்.
அதோடு, ஏற்கனவே தன்னுடைய பார்ட்னராக இருந்து, கௌதம் மேனன் என்னை ஏமாற்றிவிட்டார் என்று குற்றம்சாட்டிவிட்டு பிரிந்து சென்ற எஸ்கேப் ஆர்ட்டிஸ்ட் மதனை சந்தித்து அவருடன் மீண்டும் ராசியானார். அதுமட்டுமல்ல, தனுஷை வைத்து இயக்க உள்ள படத்தை அவரையே தயாரிப்பாளராகவும் மாற்றினார். 'எனை நோக்கிப் பாயும் தோட்டா' என பெயரிடப்பட்ட அந்தப்படம் முடிவடைவதற்குள், அதை அப்படியே போட்டுவிட்டு அடுத்தப் படத்துக்குப் போய்விட்டார்.
மல்ட்டி ஸ்டார் படம் ஒன்றை கௌதம் மேனன் இயக்கவிருக்கிறார். அந்தப்படத்தில் மலையாளத்திலிருந்து ப்ருத்விராஜ், தெலுங்கிலிருந்து சாய் சரண்தேஜ், கன்னடத்திலிருந்து புனித் ராஜ்குமார், ஹீரோயின்களாக அனுஷ்கா, தமன்னா ஆகியோர் நடிக்கவிருப்பதாக சொல்லப்பட்டது. தமிழுக்கான கதாநாயகன் தேர்வு நடைபெற்று வருவதாகவும் அறிவிக்கப்பட்டிருந்தது. தற்போது இந்த மல்ட்டி ஸ்டார் படத்தில் தமிழுக்கான கதாநாயகனாக ஜெயம் ரவி நடிக்க இருக்கிறாராம்.
கௌதம் மேனனுக்கு கால்ஷீட் கொடுக்கும் ஹீரோக்களை நினைத்தால் பரிதாபம்தான் வருகிறது.