ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
'உன்னை போல் ஒருவன்', 'பயணம்', 'இது கதிர்வேலன் காதல்' உள்ளிட்ட பல படங்களில் குணசித்திர வேடத்திலும் போலீஸ் அதிகாரி வேடத்திலும் நடித்தவர் பரத் ரெட்டி. பிரபல இருதயநோய் நிபுணரான இவர் ஐதராபாத் அப்பல்லோ மருத்துவனையில் அதிகாரியாகவும் இருக்கிறார். நடிப்பு ஆர்வத்தால் அவ்வப்போது நடிக்கவும் செய்வார்.
தற்போது பரத் ரெட்டி 'பேயுடன் ஒரு பயணம்' என்ற படத்தின் மூலம் ஹீரோவாகியிருக்கிறார். அவருக்கு ஜோடியாக விசாகா சிங், மீனாட்சி தீக்ஷித் நடிக்கிறார்கள். இவர்கள் தவிர ஊர்வசி, ஜான்விஜய், யோகிபாபு முனீஷ்காந்த் உள்பட பலர் நடிக்கிறார்கள். பிரசாத் இசை அமைக்கிறார், ஆண்ட்ரூ ஒளிப்பதிவு செய்கிறார். மணி சர்மா இயக்குகிறார்.
படத்தில் நடிப்பது பற்றி பரத் ரெட்டி கூறியதாவது: இதுவரை 20 படங்கள் வரை நடித்திருக்கிறேன், 'பேயுடன் ஒரு பயணம்' படத்தில் முதன் முறையாக ஹீரோவாக நடிக்கிறேன். இது பேய் படம் தான். ஆனால் நிஜமான, திகிலான படம். டாக்டர் என்ற வகையில் மனிதன் உயிர்போகும் தருணங்களில் நான் கவனித்திருக்கிறேன். அப்படி பிரிந்த உயிர்கள் இரவில் என்னோடு பேசுவதாக உணர்ந்திருக்கிறேன். நடக்காத ஒரு சம்பவத்தை நடந்ததாக சில நேரங்களில் கற்பனை செய்து கொள்வேன். அந்த சம்பவம் அடுத்து சில நாட்களில் நடந்து விடும். இதுவும் எனது அனுபவம்தான். இதை மையமாக வைத்துதான் இந்தப் படம் உருவாகி வருகிறது, காமெடி எதுவும் இல்லாமல் சீரியசான பேய் படமாக, பயமுறுத்தும் படமாக இருக்கும் என்கிறார் பரத் ரெட்டி.