ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
ஷங்கர் இயக்கத்தில் ரஜினி நடித்த எந்திரன் படம் தயாரிக்கப்பட்டபோது, இந்தியாவிலேயே பெரிய பட்ஜெட்டில் தயாராகும் படம் என்று சொல்லப்பட்டது. பின்னர் பாகுபாலி, ஷாருக்கான் நடித்த ரா ஒன் போன்ற படங்கள் தயாரிப்புநிலையில் இருந்தபோது இந்திய சினிமாக்களில் இதுதான் அதிக பொருட்செலவில் தயாரான படம் என்று சொல்லப்பட்டது. அதேபோல் தற்போது உருவாகிவரும் 'எந்திரன் 2', 'பாகுபலி 2' படங்களையும் அதிக பொருட்செலவில் உருவாகிவருவதாக சொல்கிறார்கள்.
இந்நிலையில், இந்தப் படங்கள் அனைத்தையும் மிஞ்சுகிற வகையில் மிகப்பெரிய பட்ஜெட்டில் சுந்தர்.சி ஒரு படத்தை இயக்கவிருக்கிறார். ஸ்ரீதேனாண்டாள் ஃபிலிம்ஸ் நிறுவனத்தின் 100வது படமாக தயாராகும் இப்படத்துக்கு 'சங்கமித்ரா' என பெயரிடப்பட்டிருப்பதாகக் கூறப்படுகிறது. ஏ.ஆர்.ரஹ்மான் இசையமைக்கும் 'சங்கமித்ரா'வில் கதாநாயகனாக நடிப்பதற்காக சூர்யாவிடம் பேச்சுவார்த்தை நடைபெற்றது. அந்தப் படத்தில் மற்றொரு முன்னணி ஹீரோ நடிப்பதால் சூர்யா நடிக்க மறுத்துவிட்டதாக கூறப்படுகிறது.
இதற்கிடையில், சுதீப் சட்டர்ஜி ஒளிப்பதிவாளராகவும், சாபுசிரில் கலைஇயக்குநராகவும், கனல்கண்ணன் சண்டைஇயக்குநராகவும் ஒப்பந்தம் செய்யப்பட்டுள்ளனர். ஸ்கிரிப்ட் எழுதும் பணிகள் முடிவடைந்து தற்போது ப்ரீ புரடக்ஷன்ஸ் வேலைகள் நடைபெற்று வருகிறதாம்.
'சங்கமித்ரா' படத்தின் படப்பிடிப்பை இந்தியா, அமெரிக்கா, டென்மார்க், உக்ரைன், இரான் உட்பட உலகம் முழுவதும் 11 நாடுகளில் நடத்தத் திட்டமிட்டிருக்கிறார்களாம்.