ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
ஜீவா, சிபிராஜ், ஹன்சிகா மற்றும் பலர் நடித்துள்ள போக்கிரி ராஜா படத்தின் அத்துவுட்டா அத்துவுட்டா' என்ற சிங்கிள் டிராக் வெளியீடு நேற்று சென்னையில் நடைபெற்றது.
டி.ராஜேந்தர்தான் நேற்றைய நிகழ்வின் தலைமைப் பேச்சாளர். இந்த விழாவிற்கு அவர் வருவது தெரியாது என்று படத்தின் நாயகன் ஜீவாவும், ஹன்சிகாவும் தெரிவித்தார்கள். ஹன்சிகாவும், டிஆரும் நேருக்கு நேர் சந்தித்துக் கொள்வார்களா, அப்படியே சந்தித்தாலும் பேசிக் கொள்வார்களா என ஒட்டு மொத்த மீடியாவும் உன்னிப்பாகக் கவனித்துக் கொண்டிருந்தது.
டி.ஆர் வந்ததுமே முன் வரிசையில் அமர்ந்திருந்த ஹன்சிகாவைப் பார்த்து வணக்கம் சொன்னார், பதிலுக்கு ஹன்சிகாவும் வணக்கம் சொன்னார். மேடையில் அமர டிஆரை அழைத்து போது ஹன்சிகாவுக்குப் பக்கத்திலேயே ஒரு சீட் காலியாக இருந்தது. இருந்தாலும் அந்த சீட்டில் உட்காராமல் ஒரு சீட் தள்ளியே உட்கார்ந்தார் டி.ஆர்.
தன்னுடைய பேச்சின் போது ஹன்சிகாவைப் பற்றி என்ன பேசப் போகிறாரோ என்று பார்த்த போது யாரும் எதிர்பாராத விதமாக அவரைப் பாராட்டித் தள்ளிவிட்டார். “வாலு' படத்தை பல தடங்கல்களுக்குப் பிறகு நானே வெளியிட்டேன். அந்தப் படத்திற்காக தாறுமாறு என்ற பாடல் படமாக்க வேண்டியிருந்தது. நாங்கள் கேட்டதும் அவர் எந்த மறுப்பும் சொல்லாமல் வந்து நடித்துக் கொடுத்தார். அதற்காக அவர் தனி சம்பளம் கூடக் கேட்கவில்லை. யார் கேட்டது, டி.ஆர். அங்கிளா கேட்டார் என்று மட்டும் கேட்டுவிட்டு வந்து நடித்துக் கொடுத்தார். அப்படிப்பட்ட ஒரு குழந்தை மனம் கொண்டவர் ஹன்சிகா. உடனே, நான் வேறு யாரையோ பற்றிக் குறிப்பிட்டுப் பேசுகிறேன் என எழுதிவிடாதீர்கள், என்றார்.
டி.ஆர். அப்படி சொல்லவில்லை என்றாலும் கூட அவர் நயன்தாராவுடன் ஹன்சிகாவை ஒப்பிட்டுப் பேசுகிறார் என்று குழந்தை கூட சொல்லிவிடும். ஆக, 'இது நம்ம ஆளு' படத்தின் எந்த ஒரு பிரமோஷனுக்கும் நயன்தாரா தப்பித் தவறி கூட வந்துவிடமாட்டார் என்பது மட்டும் உண்மை.