சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் |
லிங்கா படத்தை வாங்கி நஷ்டமடைந்த தியேட்டர்காரர்களுக்கு இழப்பீடு கிடைக்கவில்லை என்பதால் லிங்கா விநியோகஸ்தரான வேந்தர் முவீஸ் தயாரித்த பாயும் புலி படத்துக்கு தியேட்டர் அதிபர்கள் சங்கம் சார்பில் ரெட் போடப்பட்டது. பாயும்புலி படத்தை ரிலீஸ் செய்வதில் ஏற்பட்ட பிரச்சனை காரணமாக தமிழ்த்திரைப்படத் தயாரிப்பாளர் சங்கம் நேற்று அவசரமாக கூடி, செப்டம்பர் 4 முதல் புதிய தமிழ்ப் படங்களை வெளியிடப்போவதில்லை என்று அதிரடியாய் அறிவித்தது.
தயாரிப்பாளர் சங்கம் இப்படி ஒரு முடிவை அறிவித்த சில மணி நேரத்தில் பாயும்புலி படத்தின் ஹீரோவான விஷாலே இதைஏற்கவில்லை. பாயும்புலி திட்டமிட்டபடி இன்று வெளியாகும் என அறிவித்தார். அவரைத் தொடர்ந்து இன்று வெளியாகவிருந்த மற்ற படங்களின் தயாரிப்பாளர்களும், தங்களது படங்கள் திட்டமிட்டபடி வெளியாகும் என அறிவித்தனர். அப்படி நடந்தால் தயாரிப்பாளர்கள் சங்கத்திற்கு பின்னடைவு ஏற்படும் சூழல் உருவானது. எனவே தமிழ்த்திரைப்படத் தயாரிப்பாளர் சங்க நிர்வாகிகள் நேற்று மீண்டும் கூடி விவாதித்து புதிய அறிவிப்பை வெளியிட்டுள்ளனர்.
தமிழ்த்திரைலகைச் சேர்ந்த அனைத்து சங்கங்களும் ஒன்றுகூடிப் பேசி இன்று முதல் நடைபெறவிருந்த ஸ்டிரைக்கை வாபஸ் பெறுவதாகவும், அதனால் ஏற்கெனவே திட்டமிட்டபடி படங்கள் வெளியாகும் எனவும் அறிவித்திருக்கிறார்கள். பாயும் புலி படத்தை வெளியிடமாட்டோம் என்று பிரச்சனை செய்து வரும் திரையரங்கங்கள் ஒருவேளை படத்தை வெளியிடாவிட்டாலும், தமிழகத்தின் மற்ற திரையரங்குகளில் பாயும்புலி படம் திட்டமிட்டபடி வெளியாகும் என்றும் அறிவிக்கப்பட்டுள்ளது.
பாயும்புலி, படத்தை வெளியிட மறுக்கும் தியேட்டர்கள் மீது நடவடிக்கை எடுக்கப்படும் என்றும் என்ன மாதிரியான நடவடிக்கை எடுப்பது என்பது பற்றி அனைத்து சங்கங்களும் ஒன்றுகூடி ஆலோசனை செய்யும் என்றும் தயாரிப்பாளர் சங்கத் தலைவர் எஸ்.தாணு தெரிவித்தார்.