ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
விரைவில், அரசியலில் குதிப்பேன், என, நடிகை நமீதா கூறினார். நடிகர் விஜயகாந்த் நடித்த, எங்கள் அண்ணா திரைப்படம் மூலம், 2002ல், நமீதா அறிமுகமானார்; 2010ல், வெளியான, இளைஞன் படத்திற்கு பின், பட வாய்ப்பு அமையவில்லை. நமீதா, அதிகளவில் சதை போட்டதால், பட வாய்ப்பு கிடைப்பதில் சிக்கல் ஏற்பட்டது.
எனினும், விளம்பர படங்கள், கடை திறப்பு விழாக்களில் கலந்து கொண்டார். சென்னையில் நேற்று, நமீதா கூறியதாவது:திடீரென உடல் எடை கூடியதால், பட வாய்ப்பு குறைந்தது. முன்னணி நடிகையாக இருந்த நான், படவாய்ப்பு வராததால், மன உளைச்சலுக்கு ஆளானேன்.
இதனால், மீண்டும் சினிமாவில் நடிக்க வேண்டும் என, முடிவு செய்தேன். 94 கிலோவாக இருந்த உடல் எடையை, தீவிர உடற்பயிற்சி செய்து, 76 கிலோவாக குறைத்து விட்டேன். மூன்று மாதங்களில், 18 கிலோ எடை குறைந்தது சந்தோஷமாக இருக்கிறது.
சினிமாவில் நடிக்க பேச்சு நடக்கிறது. எனக்கு, ஆக் ஷன் கதாபாத்திரத்தில் நடிக்க பிடிக்கும். அரசியலுக்கு வாருங்கள் என, கடந்த தேர்தலின் போது, சில கட்சிகளிடம் இருந்து அழைப்பு வந்தது. பிறகு பார்க்கலாம் என, சொல்லிவிட்டேன். தற்போது அரசியலில் சேர முடிவு செய்துள்ளேன்; விரைவில், அரசியல் கட்சியில் சேர்வது உறுதி. எந்த கட்சி என்பது குறித்து, இன்னும் முடிவு செய்யவில்லை. எனக்கு பொருத்தமான நபரை, இன்னும் சந்திக்கவில்லை; சந்தித்தால், திருமணம் செய்து கொள்வேன்; மூன்று குழந்தைகள் பெற ஆசை. இவ்வாறு நமீதா கூறினார்.