ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
விஜய், ஸ்ரீதேவி, ஹன்சிகா, ஸ்ருதிஹாசன், சுதீப் மற்றும் பலர் நடித்து அடுத்த மாதம் வெளிவர உள்ள ஃபேன்டஸி திரைப்படம் 'புலி'. இரு தினங்களுக்கு முன்புதான் இந்தப் படத்தின் இசை வெளியீடு சென்னையில் நடைபெற்றது. தமிழில், விஜய் நடித்து இதுவரை வெளிவராத ஒரு புதிய கதையாக இந்தப் படம் இருக்கும் என்று எதிர்பார்க்கப்படுகிறது. விஜய் ஜோடியாக முதன் முறையாக ஸ்ருதிஹாசன் நடிக்கிறார். நீண்ட வருடங்களுக்குப் பிறகு ஸ்ரீதேவி தமிழ்ப் படத்தில் நடிக்கிறார் என்பதெல்லாம் இந்தப் படத்தின் வியாபாரத்திற்கு உதவியாக இருக்கும்.
'புலி' படத்திற்கான தமிழ்நாடு, கேரளா, கர்நாடகா ஆகிய உரிமைகள் ஏற்கெனவே விற்கப்பட்டுவிட்டதாகத் தெரிகிறது. ஸ்ரீதேவி, ஸ்ருதிஹாசன், ஹன்சிகா, சுதீப் என தெலுங்கிற்குத் தெரிந்த பல முகங்கள் படத்தில் இருப்பதாலும், ஒரு ஃபேன்டஸி கதை என்பதாலும் தெலுங்கில் இப்படத்தின் டப்பிங் உரிமையை வாங்க பலத்த போட்டி ஏற்பட்டதாம். கடைசியில் 'துப்பாக்கி' படத்தை தெலுங்கில் வாங்கி வெளியிட்ட நிறுவனம் 'புலி' படத்தின் தெலுங்கு டப்பிங் உரிமையை சுமார் 8 கோடி ரூபாய் விலை கொடுத்து வாங்கியுள்ளதாக டோலிவுட்டிலிருந்து வரும் தகவல்கள் தெரிவிக்கின்றன. இருந்தாலும் சிலரோ இந்த விலை குறைவான விலைதான் என்றும் கூறுகிறார்கள்.
விஜய் நடித்து சமீபத்தில் தெலுங்கில் டப்பிங் செய்து வெளியான 'ஜில்லா' படம் அங்கு நல்ல வரவேற்பைப் பெற்றுள்ளது. 'புலி' படத்தின் கதை கண்டிப்பாகத் தெலுங்கு ரசிகர்களுக்குப் பிடிக்கும். அன்றைய கிளாமர் நாயகி ஸ்ரீதேவி, இன்றைய கிளாமர் நாயகிகள் ஸ்ருதிஹாசன், ஹன்சிகா ஆகியோரும் படத்தில் இருப்பதால் 'புலி' படம் நிச்சயம் நல்ல வெற்றி பெறும் என்றே சொல்கிறார்கள். படத்தை வாங்கிய வினியோகஸ்தர் படத்தை சரியாக மார்க்கெட்டிங் செய்து வெளியிட்டால் 'ஜாக்பாட்' அடிப்பார் என்கிறார்கள்.