ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
கடந்த வருடம் ஜூலை மாதம் தனுஷ் நடித்த வேலையில்லா பட்டதாரி படத்தை வாங்கி தமிழகம் முழுக்க வெளியிட்டார் - தயாரிப்பாளர் எஸ்கேப் ஆர்ட்டிஸ்ட் பி. மதன். அந்தப் படம் மிகப்பெரிய வெற்றியடைந்து மதனுக்கு பல கோடிகளை லாபமாகக் கொடுத்தது. அடுத்து காக்கி சட்டை படத்தையும் வாங்கி வெளியிட்டார். அதுவும் லாபம் தந்தது. தன்னுடைய பேனரில் தயாரித்த கயல் படம் பல கோடி நஷ்டத்தை ஏற்படுத்த, விநியோகம் செய்த படங்கள் லாபம் கொடுத்தன. எனவே பட விநியோகத்தில் ஆர்வம் காட்ட ஆரம்பித்துள்ளார் மதன்.
உப்புக்கருவாடு, சவாரி ஆகிய படங்களை வெளியிட ஒப்பந்தம்போட்டுள்ள மதன் தற்போது 'பாயும்புலி' படத்தின் தமிழக உரிமையை வாங்கி உள்ளார். 'பாண்டியநாடு' படத்திற்குப் பிறகு விஷாலும், இயக்குநர் சுசீந்திரனும் 'பாயும்புலி'யில் மீண்டும் இணைந்திருக்கிறார்கள் . படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் நடைபெற்று வருகின்றன. டி.இமான் இசையமைப்பில் உருவான இப்படத்தின் சிங்கிள் டிராக்கான சிலுக்கு மரமே பாடல் சமீபத்தில் வெளியானது.
'பாயும் புலி' படத்தின் இசை ஆகஸ்ட் 2ல் வெளியாகவிருக்கிறது. 'வெடி' படத்திற்குப் பிறகு இப்படத்தில் மீண்டும் போலீஸாக நடித்திருக்கிறார் விஷால். அதுவும் 'என்கவுன்ட்டர் ஸ்பெஷலிஸ்ட்'. இப்படத்தில் காமெடியன் சூரி கான்ஸ்டபிளாக நடித்திருக்கிறார். விஷால் போலீஸ் அதிகாரி என்பது படத்தின் இடைவேளைக்குப் பிறகே தெரிய வருமாம். இப்படத்தில் முதல்முறையாக விஷாலுடன் ஜோடி சேர்ந்திருக்கிறார் காஜல் அகர்வால். காஜல் அகர்வாலை காதலிக்கும் விஷால் அவரை செல்லமாக 'முயல்குட்டி' என்று அழைப்பாராம். எனவே 'முயல்குட்டி' வார்த்தையை பாடல் ஒன்றிலும் பயன்படுத்தியிருக்கிறார்களாம்.