விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் |
சிவகார்த்திகேயனின் இன்றைய வெற்றிக்கு பல பேர் காரணமாக இருந்தாலும், அவர்களில் முக்கியமானவர்கள் இசையமைப்பாளர்கள் இமான் மற்றும் அனிரூத். தொலைக்காட்சி தொகுப்பாளராக மட்டுமே இருந்த சிவகார்த்திகேயனுக்கு ஹீரோ அந்தஸ்த்து கிடைக்க இளைஞர்கள் மத்தியில் அவருக்கு உள்ள வரவேற்புதான் காரணம். இந்த வரவேற்பு சிவகார்த்திகேயனுக்கு சாத்தியப்பட அவர் நடித்த படங்களின் பாடல் ஹிட்டானதும் ஒரு காரணம். அந்தப்பாடல்கள்தான் சிவகார்த்திகேயனை பட்டிதொட்டியெங்கும் கொண்டு சேர்த்தது.
சிவகார்த்திகேயன் ஸோலோ ஹீரோவாக நடித்த மனம் கொத்திப் பறவை படத்துக்கு இசையமைத்தவர் இமான். இப்படத்தின் பாடல்கள் ஹிட்டாகின. அடுத்து சிவகார்த்திகேயனுக்கு மிகப்பெரிய வெற்றியைக் கொடுத்த படம் வருத்தப்படாத வாலிபர் சங்கம். இந்தப் படத்தில் இமான் இசையமைத்த ஊதாகலரு ரிப்பன் பாடல்தான் வருத்தப்படாத வாலிபர் சங்கம் படத்தையே வெற்றியடைய வைத்தது. அடுத்து ரஜினி முருகன் படத்துக்கும் இமான் தான் இசையமைத்துள்ளார்.
இந்தப் படத்தில் இடம்பெற்றுள்ள என்னம்மா இப்படி பண்றீங்களேம்மா பாடல் பட்டையைக் கிளப்பிக் கொண்டிருக்கிறது. இப்படியாக சிவகார்த்திகேயனுக்கு எல்லாவகையிலும் உயர்வைத்தேடிக் கொடுத்தவர் இமானை.
அதேப்போல் எதிர்நீச்சல், மான்கராத்தே, காக்கி சட்டை போன்ற படங்களின் பாடல்களும் சிவகார்த்திகேயனுக்கு வெற்றியை கொடுத்தது. இதனால் தனது படங்களுக்கு இமான், அனிரூத் என மாறி மாறி பயணித்து வருகிறார் சிவகார்த்திகேயன்.