கார் விபத்தில் மயிரிழையில் உயிர் தப்பிய 'பேமிலி ஸ்டார்' பாடகி | ஆடுஜீவிதம் பட விழாவில் ஏ.ஆர்.ரஹ்மானின் தந்தைக்கு மோகன்லால் புகழாரம் | ஜப்பானில் 'ஆர்ஆர்ஆர்' படத்தின் ஸ்பெஷல் ஸ்கிரீனிங் | 'கல்கி 2898 எடி' தள்ளிப் போனால் 'புஷ்பா 2' தள்ளிப் போகுமா? | போட்டி இல்லாமல் வரும் ஜிவி பிரகாஷின் 'ரெபல்' | நடிகை அருந்ததி நாயர் விபத்தில் படுகாயம் | விமான நிலையத்தில் விஜய்யை பார்க்க படையெடுத்த கேரளத்து ரசிகர்கள் | தவறாமல் ஜனநாயக கடமை ஆற்றுங்கள் : ஜெயம் ரவி | ஜிம்மில் வெறித்தனமான ஒர்க்கவுட்டில் இறங்கிய ரகுல் ப்ரீத் சிங் | டப்பிங் யூனியன் தேர்தலில் மீண்டும் வெற்றி பெற்ற ராதாரவி |
'எனக்கு உண்மையிலேயே மேற்கத்திய நடனம்தான் நல்லா ஆட வரும்; குத்துப்பாட்டுக்கு அவ்வளவா ஆட வராது!' சிரித்துக் கொண்டே பேசத் துவங்குகிறார் நடன இயக்குனர் தினேஷ். ஆனால், 'ஆல் தோட்ட பூபதி'யாக விஜய்யை ஆட்டம் போட வைத்தது; 'ஒத்த சொல்லால...' பாட்டுக்கு தேசிய விருது பெற்றது; 'ஜில்லா விட்டு...' பாடலுக்கு, புது நடனப்பாணியை அறிமுகப்படுத்தியது; 'ஊதா கலரு ரிப்பன்...' பாட்டில் காமெடியை கலந்தடித்தது என, இவரின் அசத்தல் அடையாளங்கள் அத்தனையுமே குத்துப்பாடல்கள் தான்!
கிட்டதட்ட எல்லா முன்னணி ஹீரோக்களையும் 'ஆட்டி' வைத்தவர், தற்போது 'ஒரு குப்பைக்கதை' படத்தின் மூலம் ஹீரோவாக அறிமுகமாக இருக்கிறார். ஆனால், எதைப்பற்றி கேட்டாலும், நடனத்திலேயே வந்து முடிகிறது இவரின் பேச்சு!
என்ன திடீர்ன்னு ஹீரோ அவதாரம்?
இது, ரொம்ப தயக்கத்துக்கப்புறம் நான் எடுத்த முடிவு! நாலு பேரை அடிக்கணும்; ஹீரோயிசம் காட்டணும்னா, 'மாட்டேன்'னு சொல்லியிருப்பேன். ஏன்னா, அது எனக்கு 'செட்' ஆகாது! ஆனா, இது ஒரு குடும்ப கதை. முக்கால்வாசி படப்பிடிப்பு முடிஞ்சிருச்சு! பிரபுதேவா மாஸ்டரும், ராஜூசுந்தரம் மாஸ்டரும், முக பாவனைகளுக்கு அதிக முக்கியத்துவம் கொடுப்பாங்க; அவங்க குரூப்ல இருந்ததனால, அந்த அனுபவம், நடிப்புக்கு ரொம்ப உதவியா இருந்தது.
உங்களின் 'டிரண்ட் செட்டிங்' நடனப்பாணி பற்றி?
அது ஒரு சின்ன முயற்சிதான்! 'குத்துப்பாட்டுக்கு மெதுவா ஸ்டெப் போட்டா எப்படி இருக்கும்?'னு யோசிச்சேன். அது இவ்வளவு பெரிய 'ஹிட்' ஆயிடுச்சி!
ஆனா, இப்ப அதை நிறைய பேர் பண்ண ஆரம்பிச்சிட்டாங்க! அதனால, நான் என் நடனப்பாணியை புதுசா மாத்துறதுக்கு முயற்சி பண்ணிட்டு இருக்கேன்!
சந்தோஷம்! ஆனா, 'பாட்டும், நடனமும் படத்துக்கு அவசியமில்லை'ன்னு, ஒரு கருத்து உருவாகியிருக்கே...
(சிரிக்கிறார்) பாட்டையும், நடனத்தையும் கொண்டாடுற ரசிகர்கள், இங்கேதான் அதிகம். ஹாலிவுட்டை பொறுத்தவரைக்கும், படம் தனி, பாடல்கள் தனின்னு பிரிச்சு வைச்சு கொண்டாடுவாங்க! நாம, ஒண்ணா வைச்சு பார்த்து ரசிக்கிறோம். இந்த ரசனை இப்போ வரைக்கும் உயிர்ப்போடதான் இருக்கு; இனிமேலும் நிச்சயம் இருக்கும்!
ஹீரோ அறிமுகப் பாடல், டூயட் பாடல், குத்து பாடல் - எது உங்க பொறுமையை சோதிக்கும்?
நான் நடனம் அமைச்ச பாடல்கள், பெரும்பாலும் 'லைவ்'வான பாடல்கள்தான்; அதுல பெரிய சிரமம் ஒண்ணும் இருக்காது! காட்சிகளை இணைச்சு பண்ற 'மான்டேஜ்' பாடல்கள்தான், கொஞ்சம் சிரமம் கொடுக்கும். 'பாஸ் என்கிற பாஸ்கரன்' படத்துல, 'யார் இந்த பெண்தான்...' பாட்டு, 'வருத்தப்படாத வாலிபர் சங்கம்' படத்துல 'ஊதா கலரு ரிப்பன்...' பாட்டு, இதெல்லாம், என்னோட நகைச்சுவை உணர்வுக்கு சவால் தந்த பாடல்கள்!
முன்னணி நட்சத்திரங்கள் உடனான அனுபவம்?
விஜய் சாருக்கு என்ன 'ஸ்டெப்' போட்டாலும், உடனே ஆடிடுவாரு. 'பிரேக் டைம்'ல கூட, நாங்க என்ன பண்றோம்னு ஆர்வமா கவனிப்பாரு. அவருக்கு
நடனம் அமைக்கிறது, கொஞ்சம் சவாலான விஷயம்! அஜித் சாரும் நல்ல டான்ஸர். சமீபத்துல, வீரம் படத்துக்கு மூணு பாட்டு பண்ணினேன். அவரைப் பொறுத்தவரைக்கும், அவரு எந்த 'ஸ்டெப்' போட்டாலும் அது 'மாஸ்'தான்! கதாநாயகிகள்ன்னு பார்த்தா, சிம்ரன்தான், என் ஆல் டைம் பேவரைட்!
'டிவி' நடன நிகழ்ச்சிகள்ல, உங்களை பார்க்க முடியறதில்லையே...?
என்ன பண்றது... சினிமா வேலைகளுக்கே எனக்கு நேரம் சரியா இருக்கு. சிம்ரன் கூட, ஒரு நிகழ்ச்சிக்கு வரச்சொல்லி ஒரு தடவை கேட்டாங்க; ஆனா, நேரம் கிடைக்கலை; ஸாரி மேடம்!
புதுமுயற்சிகள் ஏதாவது?