சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் |
எஸ்.ஜே.சூர்யா தயாரித்து, இயக்கி, இசை அமைத்து, நடித்துள்ள படம் - இசை. சுமார் மூன்று ஆண்டு காலத்துக்கு மேலாக தயாரிப்பில் இருந்ததோடு, கடும் உழைப்பில் எஸ்.ஜே.சூர்யா உருவாக்கியுள்ள இப்படம் இம்மாதம் 30-ஆம் தேதி ரிலீசாகிறது. இரண்டு பிரபல இசை அமைப்பாளர்களுக்கிடையில் நடக்கும் ஈகோ பிரச்சினைகளை மையமகாக வைத்து எடுக்கப்பட்டுள்ள படம் இது. அந்த இரண்டு இசை அமைப்பாளர்களாக எஸ்.ஜே.சூர்யாவும், சத்யராஜும் நடித்துள்ளனர். இசை படத்தில் எஸ்.ஜே.சூர்யாவுக்கு ஜோடியாக சாவித்திரி என்ற புதுமுகம் நடித்துள்ளார். ஏற்கெனவே இப்படத்தின் பாடல்கள் வெளியாகி ரசிகர்களிடையே நல்ல வரவேற்பை பெற்றுள்ளது.
இந்நிலையில் இசை படத்தை கடந்த வருடமே வெளியிட திட்டமிட்டிருந்தார் எஸ்.ஜே.சூர்யா. பல பெரிய படங்களின் வருகையினால் தியேட்டர்கள் கிடைக்கவில்லை. எனவே ரிலீஸ் தேதியை தள்ளி வைத்தவர், தற்போது வருகிற 30-ஆம் தேதி ரிலீஸ் செய்ய முடிவு செய்திருந்தார். இம்மாதம் 29-ஆம் தேதி அஜித்தின் என்னை அறிந்தால் படம் வெளியாக இருந்ததால் எஸ்.ஜே.சூர்யாவின் இசை படத்தை மீண்டும் தள்ளி வைக்கும் சூழ்நிலை உருவானது.
இந்நிலையில் ஒரு சில காரணங்களால் என்னை அறிந்தால் படத்தின் வெளியீட்டு அடுத்த மாதம் 5 ஆம் தேதிக்கு தள்ளி வைக்கப்பட்டிருக்கிறது. இது எஸ்.ஜே.சூர்யாவுக்கு சாதகமாக அமைந்துவிட்டது. எனவே படு உற்சாகமாக தனது இசை படத்தை 30-ஆம் தேதி வெளியிடுகிறார் எஸ்.ஜே.சூர்யா. உலகம் முழுக்க 300 தியேட்டர்களுக்கும் மேல் வெளியாகிறது - இசை. எஸ்.ஜே.சூர்யா இழந்த மார்க்கெட்டை இசை மீட்டுத்தருமா? பார்ப்போம்!