ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
'வெயில்' படம் மூலம் இசையைமப்பாளராக அறிமுகமானவர் ஜி.வி.பிரகாஷ்குமார். இசையமைப்பாளர் ஏ.ஆர்.ரகுமானின் அக்கா மகன் என்ற பரிச்சயத்துடன் இசையமைப்பாளராக அறிமுகமானாலும், வேறு ஒரு பாணியில் இசையமைப்பாளராக தன்னை நிலை நிறுத்திக் கொண்டவர் ஜி.வி. ரஜினிகாந்த், விஜய், அஜித், விஷால் என முன்னணி நட்சத்திரங்களின் படங்களுக்கும் இசையமைத்தவர் சில மாதங்களுக்கு முன் நடிகராகவும் அவதாரம் எடுத்தார். அவரது நடிப்பில் 'பென்சில்' என்ற படம்தான் முதன் முதலாக ஆரம்பமானது. கௌதம் மேனனின் உதவியாளரான மணி நாகராஜ் இயக்கத்தில் ஆரம்பமான படம்தான் 'பென்சில்'. கடந்த வருடமே பரபரப்பாக ஆரம்பிக்கப்பட்ட இந்தப் படம் இடையில் சில பல காரணங்களால் நிறுத்தப்பட்டு, பின்னர் மீண்டும் ஆரம்பமானது.
இதனிடையே ஜி.வி.பிரகாஷ்குமார் நாயகனாக நடிக்கும் இரண்டாவது படமாக 'டார்லிங்' என்ற படம் ஆரம்பமானது. தெலுங்கில் வெளிவந்து மாபெரும் வெற்றி பெற்ற 'பிரேம கதா சித்திரம்' என்ற படத்தின் ரீமேக்தான் 'டார்லிங்'. இந்தப் படத்தில் ஜி.வி.பிரகாஷ் ஜோடியாக நிக்கி கல்ராணி நடிக்கிறார். சாம் ஆண்டன் இயக்கியுள்ள இந்தப் படத்தின் இசை இன்று வெளியிடப்படுகிறது.
பொதுவாக, ஒரு துறையிலிருந்து இன்னொரு துறைக்குள் நுழைபவர்களுக்கு அவர்களுடைய முதல் படம்தான் மிகவும் ஸ்பெஷலாக அமையும். அந்த விதத்தில் ஜி.வி.க்கு 'பென்சில்' படம் நடிகராக அறிமுகத்தைக் கொடுத்தாலும், முதல் படத்தை முந்திக் கொண்டு அவர் நடிக்க ஆரம்பித்த இரண்டாவது படமான 'டார்லிங்' படத்தின் இசை வெளியாவது ஆச்சரியமான ஒன்றுதான். முதலாவதோ, இரண்டாவதோ முத்திரை பதித்தால் சரி...