ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
விஜய் நடித்த 'கத்தி' படம் வெளியாவதற்கு முன்தினம் சத்யம் திரையரங்கில் வெடிகுண்டு வீசி கண்ணாடிக் கதவுகள் உடைந்த புகைப்படத்தை, இயக்குனர் வெங்கட் பிரபுவின் தம்பியும், தன்னை ஒரு நகைச்சுவை நடிகர் என நினைத்துக் கொண்டிருப்பவருமான பிரேம்ஜி அமரன் அவருடைய டுவிட்டர் தளத்தில் வெளியிட்டிருந்தார். இதனால் கடுப்பான விஜய் ரசிகர்கள் டுவிட்டரிலேயே பிரேம்ஜி அமரனுடன் கடுமையான வாக்குவாதத்தில் ஈடுபட்டனர். கடைசியாக நானும் தளபதி படத்தை முதல் நாள் பார்க்க ஆவலாக இருக்கிறேன் என விவாதத்திற்கு முற்றுப்புள்ளி வைத்தார்.
ஆனால் , தீபாவளி தினத்தன்று அஜித்தின் பட்டப் பெயரான 'தல' என்பதையும் தீபாவளி என்பதையும் சேர்த்து வருடா வருடம் எங்களைப் போன்ற திருமணமாகாத இளைஞர்கள் 'தல தீபாவளி'யைக் கொண்டாட வைக்கும் தலைக்கு நன்றி. தல ரசிகர்களுக்கும், தீபாவளியைக் கொண்டாடும் திருமணமாகாத இளைஞர்களுக்கும் 'தல' தீபாவளி வாழ்த்துகள் என வாழ்த்துப் பதிவைப் போட்டிருந்தார்.
நேற்று, ஏ.ஆர்.முருகதாஸ், 'கத்தி' படத்தின் முதல் நாள் சாதனை வசூலைப் பற்றி டுவிட்டரில் ஒரு பதிவைப் போட்டிருந்தார். அதன் பின் விஜய்யின் எதிர்ப்பாளர்கள் சிலர் 'கத்தி டீம் வடை' என்ற பெயரில் 'ஹேஷ்டேக்' ஒன்றை உருவாக்கி அதில் 'கத்தி' வசூல் செய்தியை தாறுமாறாகக் கிண்டலடித்து டுவிட்டரில் டிரெண்டை ஏற்படுத்தினர். அப்போது பிரேம்ஜி அவருடைய பங்கிற்கு சில வடை புகைப்படங்களுடன், “மழை நேரத்தில் வடை சாப்பிடுவது உடம்புக்கு நல்லது, உங்களுக்கு சாதாரண வடை பிடிக்கவில்லை என்றால் சாம்பார் வடையோ அல்லது தயிர் வடையையோ சாப்பிடுங்கள்” என விஜய் ரசிகர்களை மேலும் வெறுப்பேற்றியிருந்தார்.
அதைத் தொடர்ந்து நேற்றும் விஜய் ரசிகர்கள் பிரேம்ஜி அமரனை கடுமையாகத் திட்டி வாக்குவாதம் செய்ய ஆரம்பித்தனர். பிரேம்ஜி அமரன் தேவையே இல்லாமல் அவருடைய பதிவுகளில் அஜித்தையும் தேவையில்லாமல் இணைத்து விடுவது அஜித்துக்குத் தெரியுமா...ரசிகர் மன்றமே வேண்டாம் என்று இருக்கும் அஜித்தின் பெயரை பிரேம்ஜி அமரன் போன்றவர்கள் கெடுத்து வருவதை அஜித் கண்டு கொண்டால் நல்லது என அஜித்தின் ரசிகர்களும் கருத்து தெரிவித்து வருகிறார்கள்.