ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
சினிமாவில் நடிக்க மும்பை கோல்கட்டாவிலிருந்து மாடல்களை அழைத்து வருவதைப்போல இப்போது சின்னத்திரை சீரியலில் நடிக்கவும் அங்கிருந்து மாடல்கள் அழைத்து வரப்படுகிறார்கள். அப்படி அழைத்து வரப்பட்டவர்களில் ஒருவர் மனீஷா சட்டர்ஜி. தமிழுக்காக மனீஷா என்று பெயரை சுருக்கி வைத்திருக்கிறார். தற்போது அவர் நடித்து வரும் சக்தி தொடர் 100 எபிசோட்களை தாண்டிவிட்டது.
தனக்கு வந்த சினிமா வாய்ப்பு அமலாபாலுக்கு சென்று விட்டது என்கிறார் மனீஷா. அவர் மேலும் கூறியதாவது: நான் கோல்கட்டாவில் பிறந்து வளர்ந்த பொண்ணு, மாடலிங்கும், உலக அழகி டைட்டிலும்தான் என் கனவாக இருந்தது. நடிப்பை பற்றி நான் நினைத்து பார்க்கவே இல்லை. மாடலிங்கில் பிசியாக இருந்தபோது வந்த சில இந்தி சீரியல்களைகூட தவிர்த்தேன். ஆனால் தமிழ்நாட்டில் இருந்து வந்தவர்கள் சொன்ன கதை எனக்கு பிடித்திருந்ததால் ஒத்துக் கொண்டேன்.
ஆரம்பத்தில் மொழி தெரியாமல், இங்குள்ள சூழல் பிடிபடாமல் தவித்தேன். இப்போது பழகிவிட்டது. எனது கேரக்டர் மூலம் தமிழ் கலாச்சாரத்தை கற்றுக் கொண்டேன். தமிழும் ஓரளவுக்கு பேச கற்றுக் கொண்டேன்.
மலையாளத்தில் ராஜீவ் பிள்ளை இயக்கும் மிலி படத்தில் நடிக்க எனக்குதான் வாய்ப்பு வந்தது. அது ஹீரோயினுக்கு முக்கியத்துவம் உள்ள கேரக்டர். சில காரணங்களால் என்னால் நடிக்க முடியவில்லை. இப்போது அமலாபால் நடித்துக் கொண்டிருக்கிறார். ராஜீவ் பிள்ளையின் அடுத்த படத்தில் நான்தான் நடிக்கிறேன். அதோடு மலையாளத்தில் வெளிவந்த டிராபிக் படத்தின் இந்தி ரீமேக்கில் நான் நடித்திருக்கிறேன். தமிழ் சினிமாவில் நடிக்கவும் ஆர்வம் இருக்கிறது. சினிமாவில் இருந்து பலர் சின்னத்திரைக்கு வரும்போது நான் ஏன் சின்னத்திரையிலிருந்து சினிமாவுக்கு போகக்கூடாது. என்கிறார் மனீஷா.