சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் |
தனுஷின் பட நிறுவனமும், இயக்குனர் வெற்றி மாறனின் பட நிறுவனமும் இணைந்து தயாரித்துள்ள படம் 'காக்கா முட்டை'. இந்தப் படம் முடிவடைந்த பின்னும் இது பற்றிய செய்திகளை இன்னும் அதிகமாக வெளியிடாமல் இருக்கிறார்கள். படம் எப்போது வெளியாகும் என்பது பற்றிய சரியான தகவல்கள் இல்லை.
கடந்த வருடம் ஆரம்பித்தில் இப்படத்தின் படப்பிடிப்பு ஆரம்பமானது. படம் ஆரம்பமான போதே எந்தவிதமான தகவலையும் தரவில்லை, படப்பிடிப்பு நடைபெறும் போதும், முடிந்த பின்னும் கூட சொல்லவில்லை. ஆனால், படம் உலகப் பட விழாக்களில் கலந்து கொள்வதைப் பற்றிக் கூட நாமாகத்தான் தெரிந்து கொள்ள வேண்டியிருக்கிறது.
தனுஷுக்கும் வெற்றிமாறனுக்கும் இடையில் பல பிரச்சனைகள் போய்க் கொண்டிருப்பதாகவும், வெற்றி மாறனுக்கு தன்னை வைத்து படம் இயக்க வாய்ப்புக் கொடுத்து பின் தனுஷ் வேண்டாமென்று சொல்லிவிட்டதாகவும் தெரிகிறது. இதுதான் 'காக்கா முட்டை' படம் பற்றி வெளியில் தகவல்கள் வராமல் இருப்பதற்குக் காரணமாகவும் உள்ளது என கோலிவுட்டில் பேசிக் கொள்கிறார்கள்.
சில வாரங்களுக்கு முன் டொரன்டோ சர்வதேச திரைப்பட விழாவில் கலந்து கொண்ட 'காக்கா முட்டை' இந்த மாதம் ரோம் நகரில் நடைபெற உள்ள திரைப்பட விழாவில் கலந்து கொள்ளவிருப்பதாக தகவல்கள் தெரிவிக்கின்றன. மணிகண்டன் இயக்கத்தில் ஜி.வி.பிரகாஷ்குமார் இசையமைப்பில் ரமேஷ், ரமேஷ் திலகநாதன், விக்னேஷ், ஐஸ்வர்யா ராஜேஷ் மற்றும் பலர் இந்தப் படத்தில் நடித்துள்ளார்கள். இனியாவது, படத்தைப் பற்றிய முழுமையான செய்தியைத் தருவார்களா....?