ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
தற்போது சண்டமாருதம் என்ற படத்தில் நடித்து வரும் சரத்குமார், நீ நான் நிழல் என்றொரு படத்தில் முக்கியத்துவம் வாய்ந்த வேடத்தில் நடித்திருக்கிறார். இந்த படத்தை ஜான் ராபின்சன் என்பவர் இயக்கியுள்ளார். புதுமுகங்கள் அர்ஜூன்லால்-இஷிதா ஜோடி சேர்ந்துள்ளனர். இப்படத்தின் ஆடியோ விழா நேற்று இரவு 7 மணி அளவில் சென்னையில் நடைபெற்றது.
அப்போது டைரக்டர் ஜான்ராபின்சன் பேசுகையில், நான் தொட்டா சிணுங்கி, சொர்ணமுகி உள்பட பல படங்களை இயக்கிய கே.எஸ்.அதியமானிடம் உதவி இயக்குனராக பணியாற்றியிருக்கிறேன். நான் வடஇந்தியாவில் பிறந்து வளர்ந்தவன் என்பதால் எனக்கு இந்தி தெரியும். அதனால் தொட்டா சிணுங்கி படத்தை இந்தியில் ஷாருக்கானை வைத்து, அதியமான் இயக்கியபோது தமிழ் ஸ்கிரிப்ட்டை இந்தியாக மாற்ற அவருக்கு உதவியாக இருந்தேன்.
அதன்பிறகு மலையாளத்திலும் இரண்டு படங்களில் பணியாற்றிய பிறகுதான் இப்போது இந்த நீ நான் நிழல் என்ற படத்தை இயக்கியுள்ளேன். சஸ்பென்ஸ் திரில்லர் கதையில் உருவாகியுள்ள இந்த படத்தில் ஒரு நல்ல மெசேஜூம் உள்ளது. முக்கியமாக 13 முதல் 17 வயது வரை உள்ள தடுமாற்றமான பருவத்தில் நிகழும் கதை. அப்போது தங்களது பிள்ளைகளைப்பற்றி எல்லா பெற்றோருக்கும் பயத்தைப்பற்றி சொல்லியிருக்கிறேன். நாம் ஒருவருக்கொருவர் நிழலாக உள்ளோம். ஆனால் அந்த நிழலே ஆபத்தானால் என்ன நடக்கும் என்பதுதான் கதை.
மேலும், இந்த படத்தில் சரத்குமார் இன்வெஸ்டிகேஷன் ஆபீசராக நடித்துள்ளார். அன்வர் அலி என்ற பெயரில் அவர் நடித்துள்ள போலீஸ் வேடம் மிரட்டலாக இருக்கும். இதுவரை இன்வெஷ்டிகேசன் கதை என்றாலே மம்மூட்டிதான் என்று இருந்த நிலையில், இப்பேது சரத்குமாரும் இந்த கதையில் ஸ்கோர் பண்ணியிருக்கிறார். ஆக, மம்மூட்டிக்குப்பிறகு இன்வெஷ்டிகேசன் கதைகளில் நடிக்க இன்னொரு நடிகரும் இருக்கிறார் என்பதை சரத்குமார் அழுத்தமாக நிரூபித்திருக்கிறார் என்றார்.