வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது |
பி.வாசு இயக்கத்தில் ரஜினி நடித்த சந்திரமுகி பாணியில் அரண்மனை என்ற படத்தை சுந்தர்.சி இயக்குகிறார் என்று செய்திகள் வெளியானபோது, சந்திரமுகியில் ஜோதிகா நடித்தது போன்ற ஒரு அதிரடியான வேடத்தில் ஹன்சிகா நடிப்பதாக கூறினார்கள். அதையடுத்து ஹன்சிகாவிடம் அந்த வேடம் குறித்து கேட்கப்பட்டபோது, என் கேரியரில் அரண்மனை முக்கியமான படமாக இருக்கும் என்று கூறினார்.
இதனால் அரண்மனையில் ஹன்சிகாவின் நடிப்பு மீதான எதிர்பார்ப்பு அதிகமானது. அதோடு ஹன்சிகாவும் மிகுந்த எதிர்பார்ப்புடன் அரண்மனையை எதிர்பார்ததிருந்தார். நேற்றைய தினம் படம் ரிலீசானதை அடுத்து, அவரது நடிப்பைப்பார்த்து விட்டு சில திரையுலக நண்பர்கள் போன் போட்டு, படத்தில் குறைவான நேரமே வந்தாலும் மனதில் ஒட்டிக்கொள்ளும் நடிப்பு. காதல், செண்டிமென்ட் என்று பர்பாமென்ஸ் ரீதியாக கலக்கியிருக்கிறீர்கள் என்று ஆளாளுக்கு ஹன்சிகாவை மாறி மாறி புகழந்து தள்ளி வருகிறார்களாம்.
இதுவரை எத்தனையோ படங்களில் நடித்திருந்தும் இந்த அளவுக்கு ஹன்சிகாவின் நடிப்பை யாரும் பாராட்டியதில்லையாம். அதனால் அரண்மனை தந்த இந்த பாராட்டு மழையில் நனைந்து கொண்டிருக்கும் ஹன்சிகா, இந்த படத்தில் நான் நடித்துள்ள செல்வி என்ற கிராமத்து பெண் வேடத்தில் நடித்தபோது அதிக டயம் எடுத்துக்கொண்டு நடித்தேன். காதல், செண்டிமென்ட், பக்தி, பேய் என பல விசயங்கள் அடங்கிய கிராமத்து பெண் கதாபாத்திரம் என்பதால் அதை உணர்ந்து நடிக்க வேண்டிய நிலை இருந்தது. அதனால் ஒரே கேரக்டரில் பலவிதமான ரியாக்சனை கொடுத்தேன்.
இப்படம் எனது திறமைக்கு ஒரு நல்ல சான்றாகி விட்டது. அதனால் இனிமேல் இதுபோன்ற அழுத்தமான கதாபாத்திரங்களில் அதிகமாக நடிப்பேன் என்று கூறியுள்ளார் ஹன்சிகா.