ஜூனியர் என்டிஆரை இயக்கும் அஜய் ஞானமுத்து? | ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் |
மீடியாக்கள் பார்வையிலிருந்து மறைந்தே இருப்பவர் பவதாரிணி. எப்போதாவது அப்பா இளையராஜாவோடு பொது நிகழ்ச்சியில் பங்கேற்பதோடு சரி. அதன் பிறகு வெளியில் வருவதே இல்லை. தற்போது "வெள்ளச்சி" என்ற படத்திற்கு இசை அமைத்து வருகிறார். இந்தப் படம் தொடர்பான புரமோஷனுக்கு வந்தவரை மடக்கி பிடித்து எடுத்த சிறப்பு பேட்டி: கேள்வி எத்தனை பெரிதாக இருந்தாலும் பதில் ஒரே வரியில்தான்.
* ஏன் இசை அமைப்பதில் இருந்து ஒதுங்கி இருக்கிறீர்கள்?
இசை பற்றி இன்னும் கற்க வேண்டியது நிறைய இருக்கிறது. அவற்றையும் கற்றுக் கொண்டு விட்டு முழு மூச்சாக இறங்கலாமே என்றுதான் ஒதுங்கி இருக்கிறேன்?
* உங்கள் தந்தையிடமே கற்றுக் கொள்ளலாமே?
அவர் எங்களை வெளியில்தான் கற்றுக் கொள்ளச் சொல்வார்.
* இதுவரை எத்தனை படங்களுக்கு இசை அமைத்திருக்கிறீர்கள்?
7 படங்களுக்கு மட்டும்தான்.
* இளையராஜாவின் மகள் என்பதால் உங்களை அணுக புதுமுக இயக்குனர்கள் தயங்குவதாக நினைக்கிறீர்களா?
எனக்குத் தெரியவில்லை. வெள்ளச்சி பட யூனிட் புதுசுதானே. அப்படி யாரும் தயங்கத் தேவையில்லை . நான் ரொம்ப சிம்பிள்னு சொல்லுங்க.
* நீங்கள் பெண் என்பதால் இசை அமைப்பதில் ஏதாவது தர்மசங்கடங்கள் இருக்கிறதா?
அப்படி எதுவும் இல்லை. சின்ன வயதிலிருந்தே அப்பாவுடன் ஸ்டுடியோவுக்குள் பழக்கம் இருப்பதால் எந்த சங்கடமும் இல்லை.
* ஏன் எப்போதும் பயந்த சுபாவம் கொண்டவராகவே இருக்கிறீர்கள்?
சின்ன வயதிலிருந்தே அப்படித்தான்.
* பாடுவதையும் குறைத்துக் கொண்டீர்களே?
இல்லையே... தொடர்ந்து பாடிக்கொண்டுதான் இருக்கிறேன். நீங்கள் கவனிக்கவில்லை என்று நினைக்கிறேன். இப்போது கூட "ஆதலால் காதல் செய்வீர்" படத்தில் பாடியிருக்கிறேன்.
* ஒரு படத்துக்கு இசை அமைக்க ஒப்புக் கொண்ட பிறகு அப்பாவுடன் அதுகுறித்து ஆலோசனை கேட்பீர்களா?
முன்பு சில சந்தேகங்கள் கேட்பேன். இப்போது அதுகூட இல்லை. வித்தியாசமாக எந்த முயற்சியாவது செய்தால் அவருக்கு போட்டுக் காட்டுவேன். அவர் ஏதாவது வித்தியாசமாக செய்தால் எங்களுக்கு போட்டுக் காட்டுவார்.
* கார்த்திக் ராஜா படம் இயக்கப் போகிறாராமே உண்மையா?
அவருக்கு படம் இயக்குவதில் நல்ல ஆர்வம் இருக்கிறது தெரியும். எப்போது இயக்கப் போகிறார் என்பது தெரியாது.
* அப்பா கிராமிய பாடல்களுக்கு ஸ்பெஷலிஸ்ட், யுவன் வெஸ்டர்ன் ஸ்பெஷலிஸ்ட்? நீங்க...?
இரண்டும் பிடிக்கும். ஸ்பெஷிலிஸ்ட்டுன்னு சொல்லிக்க முடியாது.
* இனியாவது தொடர்ந்து இசை அமைப்பீர்களா?
நிச்சயமாக... என்று ஒரு வரியில் சொல்லி முடித்தார்.