Dinamalar

வந்தான் வென்றான் : ஒரு ஸ்பெஷல் ஹைலைட்ஸ்!

கோ, ரவுத்திரம் படத்திற்கு ஜீவா நடிப்பில் இன்னும் சில தினங்களில் வெளியாக இருக்கும் படம் வந்தான் வென்றான். ஜெயம் கொண்டான், கண்டேன் காதலை , படத்தை இயக்கிய இயக்குனர் கண்ணன் இப்படத்தை இயக்கியுள்ளார். ஜீவாவுக்கு ஜோடியாக டாப்சி நடித்துள்ளார். தமன் இசையமைத்துள்ளார். இப்படத்தை பற்றிய ஒரு ஸ்பெஷல் ஹைலைட்ஸ்...

* ஜெயம் கொண்டான், கண்டேன் காதலை படங்களை இயக்கிய கண்ணன், ஜீவாவை வைத்து இயக்கும் முதல்படம் வந்தான் வென்றான்.

* படத்தில் நாயகன் ஜீவா பாக்சர் வேடம் ஏற்றிருக்கிறார். இதற்காக ஒரு மாத காலத்திற்கும் மேலாக சிறப்பு பயிற்சி எடுத்துள்ளார்.

* ஜீவாவுக்கு ஜோடியாக டாப்சி, கல்லூரியில் படிக்கும் ஆர்க்டெக்ட் மாணவியாக நடித்துள்ளார். ஜீவாவுடன், டாப்சி நடிக்கும் முதல் படம் இது. டாப்ஸி இந்த படத்தில் நெகடிவ்வான பாத்திரத்தில், படத்தின் இரண்டாம் பாதி முழுக்க ஒரு நபரை கொல்ல வேண்டும் என்ற முனைப்புடன் இருக்கும் பாத்திரத்தில் நடித்து இருக்கிறாராம்.

* கதாநாயகனாக வந்து ஈரம் படம் மூலம் வில்லனாக பிரபலமான நடிகர் நந்தா, இந்தபடத்தில் வில்லனாக நடித்து அசத்தியுள்ளார்.

* ஏற்கனவே ஜீவாவுடன் சிங்கம் புலி படத்தில் காமெடியில் கலக்கிய சந்தானம், இந்தபடத்திலும் காமெடியில் கலக்கியுள்ளார்.

* இந்த படத்தில் வரும் ஒரு காட்சிக்கு நிஜ துப்பாக்கியை எடுத்து கொண்டு மும்பை வீதிகளில் ஒருவரை துரத்தும் காட்சியை படமாக்கி இருக்கிறார் இயக்குநர் கண்ணன்.

* படத்தின் பாடல்களை நா.முத்துக்குமார், தாமரை, யுகபாரதி, கார்கி ஆகியோர் பாடல் வரிகளை எழுத, தமன் இசையமைத்துள்ளார். சமீபத்தில் வெளியான இப்படத்தின் பாடல்களில் காஞ்சனா மாலா...,அஞ்சனா... பாடல்கள் ஹிட்டாகியுள்ளன.

* படத்திற்கான கதை பயணத்தோடு வருவதால் மும்பை ,கோவா, சுல்தான் வேடேரி, கண்ணூர் உள்ளிட்ட பல்வேறு பகுதிகளில் சூட்டிங் நடத்தியுள்ளனர். அதில் குறிப்பாக கேரளாவில் உள்ள சுல்தான் வேடேரி இடத்தில், காடுகளை போன்று அற்புதமான செட்போட்டுள்ளார் கலை இயக்குனர் ரெம்போன். 

கோ படத்திற்கு ஜீவாவிடம் மிகுந்த எதிர்பார்ப்பை ஏற்படுத்தியிருக்கும் வந்தான் வென்றான் படம் வருகிற 16ம் தேதி ரிலீசாக இருக்கிறது. அன்றைய தினமே ஜெய், அஞ்சலி நடித்த எங்கேயும் எப்போதும் படமும் ரிலீசாக இருப்பதால் இரண்டு படங்களுக்கும் இடையே கடும் போட்டி நிலவுகிறது.

• செய்திகள்
• ஆல்பம்
• வால் பேப்பர்கள்
• வந்த படங்கள்

• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு

• 
  2025... 10 மாதங்கள், 222 படங்கள் : வெற்றிப் படங்கள் 12 மட்டுமே…
• 
  ஒரு பாடலுக்கு நடனமாடிய முன்னணி கதாநாயகிகள் : யார் நடனம் அசத்தல்?
• 
  2025ன் அரையாண்டில் தமிழ் சினிமா வசூல் எவ்வளவு?
• 
  ஐந்தே மாதங்களில் சதம் அடித்த 2025, சாதனையா? சோதனையா?
• 
  சின்னத்திரை டூ வெள்ளித்திரை... தமிழ் பேசும் நடிகைகளுக்கும் வாய்ப்பு : ...