Dinamalar

ஜாதி அடைமொழியோடு உலாவரும் நடிகைகள் - ஸ்பெஷல் ஸ்டோரி!

ஜாதி, மதம் இல்லாத இடம் இல்லை. சினிமாவிலும் ஜாதி, மதம் உண்டு. வேறுபாடுகளும் உண்டு. ஆனால் அவைகள் வெளியில் தெரியாமல் கமுக்கமாக இருக்கும். நடிகரோ, இயக்குனரோ தன் பெயருக்கு பின்னால் ஜாதி போட்டுக் கொள்வதில்லை. ஆனால் பெரும்பாலான நடிகைகள் தங்கள் ஜாதி அடையாளங்களோடுதான் வலம் வருகிறார்கள். தங்கள் பெயருக்கு பின்னால் தான் இந்த ஜாதி, இந்த குலம் என்ற அடையாளத்தை போட்டுக் கொள்கிறார்கள். அதை தங்களின் கவுரவமாக கருதுகிறார்களா? அல்லது பாதுகாப்பாக கருதுகிறார்களா என்று தெரியவில்லை.

குறிப்பாக மலையாளத்தில் இருந்து வரும் நடிகைகள்தான் நாயர், மேனன் என்ற தங்கள் ஜாதியை பெயருக்கு பின்னால் போட்டுக்கொண்டு வருகிறார்கள். மாஜி ஹீரோயின் ராதா தன் பெயருக்கு பின்னால் ஜாதி போட்டுக்கொண்டதில்லை. ஆனால் தனது மகள்களை சினிமாவில் கார்த்திகா நாயர், துளசி நாயர் என்றே அறிமுகப்படுத்தினார். இவர்கள் தவிர மேகா நாயர், பிரியங்கா நாயர், மாதிரி நிறைய நாயர் நடிகைகள் இருக்கிறார்கள். மேனன் ஜாதி நடிகைகளுக்கும் குறைவில்லை லட்சுமி மேனன், நித்யா மேனன், ஸ்வேதா மேனன், ரேணுகா மேனன் உள்பட பலமேனன்கள் இருக்கிறார்கள்.

அப்படியே வடநாட்டு பக்கம் போனால் அவர்கள் ஒன்று ஜாதியை பெயருக்கு பின்னால் போட்டிருப்பார்கள். அல்லது தங்கள் குலத்தின் பெயரை பின்னால் போட்டிருப்பார்கள். அனுஷ்கா ஷெட்டி, சஞ்சிதா ஷெட்டி, ஷில்பா ஷெட்டி இப்படி பல ஷெட்டிகள் இருக்கிறார்கள். கீர்த்தி ரெட்டி, சமீரா ரெட்டி, ஸ்ரேயா ரெட்டி, இப்படி நிறைய ரெட்டிகள் இருக்கிறார்கள். மேக்னா நாயுடு, அனுஜா அய்யர், கல்பனா அய்யர்களும் உண்டு.

அகர்வால்களுக்கும், சர்மாக்களுக்கும் கூட பஞ்சமில்லை. காஜல் அகர்வால், நிஷா அகர்வால், சாக்ஷி அகர்வால், கோமல் சர்மா, தீப்தி சர்மா இருக்கிறார்கள். சிங்குகளுக்கும் குறைவில்லை. சாயாசிங், ஷிவானி சிங், சஞ்சனா சிங், விசாகா சிங் என்று நிறைய இருக்கிறார்கள். இவர்கள் தவிர திவ்யா பண்டாரி, ஹன்சிகா மோத்வானி, கமாலினி முகர்ஜி, கீர்த்தி சாவ்லா, பியா பாஜ்பாய், ரீமா சென் இப்படி பல நடிகைகள் தங்கள் குலப் பெயர், ஜாதிப்பெயர் தாங்கி நிற்கிறார்கள்.

ஜாதிப் பெயர் தாங்கி நிற்பது ஒரு பேஷனாகி விட்டது. முதலில் தனி பெயரில் அறிமுகமாகும் நடிகைகள் ஒரு படம் ஹிட்டாகிவிட்டால் உடனேயே தன் பெயருக்கு பின்னால் ஜாதியை சேர்த்துக் கொள்கிறார்கள்.

தங்கள் பெயருக்கு பின்னால் ஜாதிபெயர் போட்டுக் கொள்வதும், கொள்ளாதுதம் அவரவர் தனிப்பட்ட உரிமைதான். ஆனாலும் ஒரு நடிகை என்பவர் பொதுவானவர் அனைவராலும் ஏற்றுக் கொள்ளப்பட்டு ரசிக்கப்படுகிறவர், பாராட்டப் படுகிறவர். அவருக்கு எதற்கு ஜாதி அடையாளம் என்பதே சாராசரி ரசிகனின் கேள்வி.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  ஓடிடி - வாழ வைக்கிறதா, நசுக்குகிறதா? : கலங்கும் கலையுலகம்
• 
  மாற்றத்தை ஏற்படுத்தாத மார்ச் மாதத் திரைப்படங்கள்
• 
  தமிழ் சினிமா 2024 - பிசுபிசுத்த பிப்ரவரி
• 
  காலத்திற்கேற்ப மாற்றத்தைக் கொண்டு வருமா தமிழ் சினிமா?
• 
  ஆரம்பமே இப்படியா...? - 2024ன் முதல் மாதம் ஓர் அலசல்