Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » ஸ்பெஷல் ரிப்போர்ட் »

சினிமாவில் கவர்ச்சி மீறவும் கூடாது, குறையவும் கூடாது! இது இனியா பாலிஸி!!

06 ஜன, 2013 - 13:34 IST
எழுத்தின் அளவு:

முதல் படத்திலேயே "வாகை சூடிய நாயகி; "மாடலிங் வருகை என்றாலும், அழுக்கு சுமந்த அவரது பாத்திரம், முழு"மதியாய் ரசிகர் மனதில் பதிந்தது. தமிழ் பாரம்பரியம் பளிச்சிடும் முகம் என்றாலும்,  இறக்குமதியானது கேரளாவிலிருந்து. இவ்வளவு கூறிய பின், "சஸ்பென்ஸ் எதற்கு? "சரசர சாரக் காத்து வீசும் போதும்... சாரை பார்த்து பேசும் போதும்... வரிகளுக்கு, வாய்க்கால், வயல்களில் புரண்டு, விழுந்தவர்; சாரி, நடித்தவர், நடிகை இனியா.

சுருதி சாவந்த் என்ற பெயரை, இனியாவாக மாற்றியது தமிழ் சினிமா. 2005ல் "மிஸ் திருவனந்தபுரம், "டிவி சீரியல்கள், குறும்படங்களில் கலக்கிய இனியா, 2010ல் தமிழில் தலை காட்டினார். "வாகை சூடவா, மவுனகுரு, அம்மாவின் கைபேசி, என, யதார்த்த பாத்திரங்களில் அடைக்கப்பட்டார். அதன் பிறகே, அவர் பிறந்த கேரளாவில், இனியாவிற்கான கதவு திறந்தது. தமிழ், மலையாளத்தில் "பிஸி ஆன இனியா, மாசாணி படப்பிடிப்பிற்கு காரைக்குடி வந்த போது, சிறிது நேரம் மடக்கினோம்; இதோ தன்  இனிமையைப் பகிர்கிறார் இனியா:

* முதல் படத்தில் "டீ மாஸ்டர்; முன் அனுபவம் உண்டோ?


அய்யோ... கிச்சன் பக்கம் யார் போனது? படத்திற்காக மதுரையிலிருந்து வரவழைக்கப்பட்டவர், கற்றுத்தந்தார். 50 படத்தில் நடித்த அனுபவத்தை, அந்த கதாபாத்திரம் தந்தது. அப்படம் தேசிய விருது வாங்கியதும், அடைந்த மகிழ்ச்சிக்கு அளவில்லை.

*  "தமிழ், மலையாளம் இருபடங்களை வேறுபடுத்தும் விஷயம்?


பிரமாண்டம். தமிழ் படங்களில் எதிர்பார்ப்பை கடந்த பிரமாண்டம் உள்ளது.

*  "மாடர்ன் பொண்ணு, அழுக்காய் நடித்துவிட்டீர்களே?

அழகை விட, கதை தான் முக்கியம். அந்த கதாபாத்திரம் தான், என்னை நிலைக்க வைத்தது.

*  "யதார்த்த நாயகிகள் நீடித்ததில்லை தெரியுமா?

அனைத்து கதாபாத்திரத்திலும், நடிப்பேன். சேலையில் வந்த என்னை, இனிவரும் படங்களில் பாருங்கள்!

*  கேரள நடிகைகளுக்கு தமிழ் சினிமா தான் அறிமுக களமா?

பல ஆண்டுகளுக்கு முன்பிருந்தே, கேரள நடிகைகளின் "தமிழ் படையெடுப்பு தொடர்கிறது. தமிழ் வாய்ப்புக்கு பிறகே, கேரளக் கதவு திறக்கிறது.

*  "கிளாமர் உங்கள் நிலைப்பாடு என்ன?

சினிமா,ஒரு பொழுது போக்கு; அதில் அனைத்தும் வேண்டும். கவர்ச்சி மீறவும் கூடாது, குறையவும் கூடாது.

*  "ஹீரோ-டைரக்டர், இனியா யாருக்கு கதாநாயகி?

டைரக்டருக்குத்தான். கதையைப் பொறுத்து, அது மாறுபடலாம், என்றவர், மகிழ்ச்சியுடன், படபிடிப்பிற்குத் தயாரானார்.

Advertisement
சினிமா மட்டுமே எனது விருப்பம்; அரசியல் அல்ல! வாசகர்களின் கேள்விக்கு கார்த்தியின் பதில்!!சினிமா மட்டுமே எனது விருப்பம்; ... திரைப்படத்துறை திருநங்கைகளை அங்கீகரிக்கவில்லை: ரோஸ் சிறப்பு பேட்டி திரைப்படத்துறை திருநங்கைகளை ...


வாசகர் கருத்து (1)

selvarajan - Paris,பிரான்ஸ்
06 ஜன, 2013 - 14:54 Report Abuse
 selvarajan அழகும், திறமையும் நிறைந்த நடிகை.
Rate this:

உங்கள் கருத்தைப் பதிவு செய்ய

Login :
OR )Login with
New to Dinamalar ?
(Press Ctrl+g or click this   to toggle between English and Tamil)

பேஸ்புக் மூலம் கருத்து தெரிவித்தவர்கள்

Advertisement
தொடர்புடைய படங்கள்
தொடர்புடைய வீடியோக்கள்
தொடர்புடைய வால் பேப்பர்கள்
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Mr Chandramouli
    Tamil New Film Saamy 2
    • சாமி 2
    • நடிகர் : விக்ரம் ,
    • நடிகை : கீர்த்தி சுரேஷ்
    • இயக்குனர் :ஹரி
    Tamil New Film Karu
    • கரு
    • நடிகை : சாய் பல்லவி
    • இயக்குனர் :ஏ.எல்.விஜய்
    Tamil New Film Pariyerum perumal

    Tweets @dinamalarcinema

    Advertisement
    Copyright © 2018 Dinamalar , No.1 Tamil website in the world. All rights reserved. Mail as Your Suggestion to webmaster@dinamalar.in