ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
விஜய்யின், 62வது படம், ஜெய்யுடன் நீயா - 2, சக்தி உட்பட 10 படங்களில் பிசியாக நடித்து வரும், வரலட்சுமி, சமீபத்தில், தன் பிறந்தநாளுடன், சர்வதேச மகளிர் தினத்தையும் கொண்டாடினார்; அவருடன் பேசியதிலிருந்து:
நீங்கள் துவக்கிய, சேவ் சக்தி அமைப்பு செயல்பாடு எப்படி இருக்கிறது?
நன்றாக போகிறது. நாங்கள் கொடுத்த கோரிக்கையின் அடிப்படையில், மகளிருக்கான நீதிமன்றத்தை உடனடியாக கட்ட முடியாது என்றும், ஆனால், அனைத்து மாவட்டங்களிலும், அதற்கான உட்கட்டமைப்பு வசதிகளை மேம்படுத்தும் நடவடிக்கைகளை மேற்கொள்வதாகவும், அரசு தெரிவித்துள்ளது.
திடீரென நலத்திட்ட விழா எதற்கு... அரசியல் ஆர்வம் வந்து விட்டதா?
அரசியல் என்ற வார்த்தை, கெட்ட வார்த்தையா? யாரையும் தோற்கடிக்க அரசியலுக்கு வர வேண்டாம். நடிகர்கள் மட்டுமல்ல; சமுதாயத்திற்கு நல்லது செய்வோர் யார் வேண்டுமானாலும் அரசியலுக்கு வரலாம். சினிமாவில் உள்ளவர்கள் யார் வேண்டுமானாலும் அரசியலுக்கு வரலாம். சினிமாவில் கிடைத்த பிரபலம் என்ற பலத்தை, நல்ல விஷயத்திற்கு பயன்படுத்துவது தப்பில்லை. இப்போதைக்கு இல்லை என்றாலும், எதிர்காலத்தில் நிச்சயமாக அரசியலுக்கு வருவேன். ஒரே நாளில் எல்லாவற்றையும் மாற்ற முடியாது.
அரசியலில் உங்கள் திட்டம் என்ன?
பெண்களுக்கான நல்ல விஷயங்கள் அனைத்தையும் செய்ய வேண்டும்.
ரஜினி, கமல் அரசியல் பிரவேசம் குறித்து?
அவர்கள் மட்டுமல்ல; யார் வேண்டுமானாலும் அரசியலுக்கு வரலாம். ஊரில் உள்ள அனைவரும் அரசியலுக்கு வர வேண்டும்.
விஷால் அரசியல் பிரவேசம் குறித்து?
அவரது அரசியல் பிரவேசம் பற்றி சொல்வதற்கு ஒன்றுமில்லை.
நலத்திட்ட உதவிக்கு, வட சென்னையை தேர்ந்தெடுத்தது ஏன்?
வட சென்னையை தேர்ந்தெடுத்தது ஏனென்றால், இங்கு மற்ற பகுதியை விட, பிரச்னைகள் அதிகம் உள்ளன. இங்கு என்னால் முடிந்த அளவு உதவி செய்ய வேண்டும் என்பதற்காகவே, இந்த பகுதியில் விழா நடத்தினேன்.
பள்ளி கல்வியில் எந்த மாதிரியான மாற்றத்தை விரும்புகிறீர்கள்?
பள்ளி கல்வியில் தற்காப்பு கலை, பாலியல் குறித்த விழிப்புணர்வு பாடங்கள் தேவை.
தற்போது நீங்கள் நடிக்கும் படங்கள்?
விஜயுடன் ஒரு படம், ஜெய்யுடன் நீயா - 2, சண்டக்கோழி - 2, சக்தி என, ஒன்பது படங்களில் நடிக்கிறேன். எல்லாமே நல்ல கதையம்சம் உள்ள படங்கள். என் கேரக்டருக்கும், இந்த படங்களில் அதிக முக்கியத்துவம் இருக்கும்.