ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
தமிழ் சினிமாக்கள் உலக அளவில் வெளியானாலும் சமீப வருடங்களில் அமெரிக்காவில் எவ்வளவு வசூல் ஆனது என்பது பெருமையாகப் பார்க்கப்படும் ஒரு விஷயமாக மாறிவிட்டது. முன்பெல்லாம் தமிழ்ப் படங்களின் உலக வெளியீடு என்பது மலேசியா, சிங்கப்பூர், இலங்கை ஆகிய நாடுகளில் தான் இருக்கும். ஆனால், கடந்த சில வருடங்களாக அந்த நாடுகளின் வசூலை விட அமெரிக்கா வசூலைத் தான் பலரும் விளம்பரப்படுத்திக் கொள்கிறார்கள்.
அந்த வகையில் ரஜினிகாந்த் படம் என்றாலே அமெரிக்காவில் தனி வசூல் இருக்கும். ரஜினிகாந்த் நடித்து வெளிவந்த 'சிவாஜி' படம் அமெரிக்காவில் புதிய பாதையை ஏற்படுத்தியது. அதன் பிறகு வெளிவந்த பல ரஜினி படங்கள் அதைவிட அதிகமான வசூல் சாதனையை படைத்தன. 'லிங்கா' படம் கூட 'சிவாஜி'யை விட அதிகமாக வசூலித்தது என்றால் பார்த்துக் கொள்ளுங்கள். அதன் பிறகு வெளிவந்த 'எந்திரன்' படமும் நல்ல வசூலைப் பெற்றது.
'கபாலி' படம் முந்தைய வசூல் அனைத்தையும் முறியடித்து அதிக வசூலைப் பெற்ற படமாக அமைந்தது. 'கபாலி' வெளிவந்த பின் கடந்த இரண்டு வருடங்களில் தமிழ் சினிமாக்கள் அமெரிக்காவில் குறிப்பிடத்தக்க வசூலைப் பெற்று வருகின்றன. தமிழ்ப் படங்களுக்கும் அதிகமான தியேட்டர்கள் கிடைக்கின்றன.
அந்த விதத்தில் 'காலா' படம் 'கபாலி' வசூலை முறியடிக்கும் என்று எதிர்பார்க்கப்பட்டது. ஆனால், 'காலா' படத்தை அமெரிக்க வாழ் தமிழர்கள் கண்டுகொள்ளவேயில்லை. முதல் வார இறுதியில் 'கபாலி' படம் சுமார் 23 கோடி வசூலித்தது. 'காலா' படம் முதல் வார இறுதியில் சுமார் 10 கோடி மட்டுமே வசூலித்துள்ளது. இப்படி பாதிக்கும் குறைவான வசூலை அமெரிக்காவில் 'காலா' படம் தரும் என யாரும் எதிர்பார்க்கவில்லை. இந்த வார இறுதியில் வசூல் நன்றாக இருந்தால்தான் படம் லாபத்தைத் தரும் என்பதே உண்மை.