ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
ஒரு நடிகர் என்றால் அவர் அனைத்து விதமான கதாபாத்திரங்களிலும் நடிக்க வேண்டும். ஏ சென்டர்களிலும் அவர் படங்கள் ஓட வேண்டும், பி சென்டர்களிலும் அவர் படங்கள் ஓட வேண்டும். மாஸ் ஆன படங்களையும் கொடுக்க வேண்டும், கிளாஸ் ஆன படங்களையும் கொடுக்க வேண்டும். அப்போதுதான் ரசிகர்களைக் கவர முடியும். அனைத்து ரசிகர்களையும் கவரும் நடிகர்களே வியாபார ரீதியிலும் முன்னணி இடத்தைப் பிடிக்கிறார்கள்.
விக்ரம் நடித்து ஒரு வாரத்திற்குள் அடுத்தடுத்து இரண்டு விதமான படங்களின் டிரைலர், டீசர் வந்து அவருடைய ரசிகர்களை திக்கு முக்காட வைத்துள்ளது.
ஹரி இயக்கத்தில் விக்ரம், கீர்த்தி சுரேஷ், பாபி சிம்ஹா மற்றும் பலர் நடித்துள்ள 'சாமி ஸ்கொயர்' படத்தின் டிரைலர் கடந்த வாரம் வெளியிடப்பட்டது. மிகவும் மாஸ் ஆன அதிரடி டிரைலராக அமைந்து சில சலசலப்பையும் அந்த டிரைலர் ஏற்படுத்தியது. இருப்பினும் ஒரு வாரத்திற்குள் யு டியூபில் 80 லட்சம் பார்வைகளை அந்த டிரைலர் நெருங்கிக் கொண்டிருக்கிறது.
கௌதம் மேனன் இயக்கத்தில் விக்ரம், ரிது வர்மா, சிம்ரன் மற்றும் பலர் நடித்துள்ள 'துருவ நட்சத்திரம்' படத்தின் 3வது டீசர் நேற்று வெளியானது. ஒரு ஆங்கிலப் படம் போல 'ஸ்பை த்ரில்லர்' ஆக இந்தப் படம் இருக்குமோ என்ற எதிர்பார்ப்பை ஏற்படுத்தியுள்ளது. இந்தப் படத்தின் 3வது டீசர், 'சாமி ஸ்கொயர்' படத்திற்கு முற்றிலும் மாற்றாக அமைந்துள்ளது. ஒரே நாளில் இந்த டீசர் 30 லட்சம் பார்வைகளைக் கடந்துள்ளது.
'சாமி ஸ்கொயர், துருவ நட்சத்திரம்' இரண்டு படங்களும் இந்த ஆண்டில் வெளிவர உள்ளது. இரண்டுமே வெற்றி பெறும் என விக்ரம் ரசிகர்களுக்கு அதிக நம்பிக்கை வந்துவிட்டது.