ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
தமிழ்த் திரையுலகத்தில் முன்னணி இடத்தை நோக்கி வேகமாக வளர்ந்து கொண்டிருக்கும் முக்கியமான நாயகன் சிவகார்த்திகேயன். படத்திற்குப் படம் மிகவும் கவனமாக அடியெடுத்து வைக்கிறார். தற்போது பொன்ராம் இயக்கத்தில் 'சீமராஜா' படத்தில் நடித்து வருகிறார். இப்படத்தின் படப்பிடிப்பு விரைவில் நிறைவடைய உள்ளது. இப்படத்திற்குப் பிறகு 'இன்று நேற்று நாளை' படத்தை இயக்கிய ரவிகுமார் இயக்கத்தில் நடிக்க உள்ளார். ஏ.ஆர்.ரகுமான் இப்படத்திற்கு இசையமைக்க உள்ளார்.
ரவிகுமார் இயக்கும் படத்திற்குப் பிறகு சிவகார்த்திகேயன், 'சிவா மனசுல சக்தி' இயக்குனர் ராஜேஷ் இயக்கும் படத்தில் நடிக்க உள்ளதாகத் தகவல் வெளியாகியுள்ளது. ராஜேஷ் விரைவில் சந்தானம் நாயகனாக நடிக்க உள்ள படத்தை இயக்க உள்ளார். இந்தப் படத்தை முடித்த பிறகு சிவகார்த்திகேயன் படத்தை அவர் இயக்குவார் எனத் தெரிகிறது. அதற்குள் சிவகார்த்திகேயனும் ரவிகுமார் இயக்கத்தில் நடிக்கும் படத்தை முடித்துவிடுவார்.
ஒரு கலகலப்பான கமர்ஷியல் படம், ஒரு வித்தியாசமான சீரியசான படம் என மாறிமாறி நடிக்க சிவகார்த்திகேயன் திட்டமிட்டுள்ளதாகத் தெரிகிறது. கமல்ஹாசனின் சக்சஸ் பார்முலா இதுதான். அதையே சிவகார்த்திகேயனும் பின்பற்றுவது போல் உள்ளது.