ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
ஜீவா நடித்துள்ள கலகலப்பு படம் நேற்று வெளிவந்தது. இதையொட்டி அவர் அளித்த பேட்டி வருமாறு: கலகலப்பு படத்தின் அனுபவம் புதுமையாக இருந்தது. ரொம்ப ஜாலியாக படப்பிடிப்பு நடந்தது. இதற்கு முன் காமெடி படத்தில் நடித்திருந்தாலும் இதில் கலர்புல்லான காமெடி கேரக்டரில் நடித்திருக்கிறேன். சினிமாவுக்கு காசு கொடுத்து வருகிற ரசிகனை இரண்டரை மணி நேரம் சிரிக்க வைக்க வேண்டும் என்பதுதான் படத்தின் நோக்கம். அப்படித்தான் இதன் திரைக்கதையும் வைக்கப்பட்டுள்ளது.
நான் தோல்வி அடைந்த நடிகன் இல்லை. என் படம் தயாரிப்பாளர்களை நஷ்டப்படுத்துவதில்லை. நான் ஜெயிப்பதால்தான் எனக்கு பட வாய்ப்புகள் வந்து கொண்டிருக்கிறது. நடித்த படம் வெற்றி பெறவில்லை என்றால் வாய்ப்புகள் வராது. ஆனால் நான் வெற்றிகளை வெளியில் சொல்லிக் கொள்வதில்லை. வசூல் கணக்கு காட்டுவதில்லை. என் தயாரிப்பாளர் சந்தோஷமாக இருக்கிறாரா அதுபோதும். நான் நடிகன் தான், பிலிம் மேக்கர் இல்லை.
எல்லா மக்களுக்கும் பிடித்தவனாக இருக்க விரும்புகிறேன். அதனால்தான் எனக்கு தனி ரசிகர் மன்றம் வேண்டாம் என்று சொல்லி விட்டேன். தனி ரசிகர்கள் கூட்டம் உருவானால் அவர்களுக்கு பிடித்தமான படம் பண்ண வேண்டியதிருக்கும். பொதுமனிதனாக இருந்து விட்டால் எல்லோருக்கும் பிடித்த படங்களை கொடுக்க முடியும். எனக்கென்று தனி பாணி எதுவும் கிடையாது. இயக்குனர்கள் என்னை எப்படி பயன்படுத்திக் கொள்கிறார்களோ அதுவே நான். எனக்கு என்ன வரும், என்னால் என்ன செய்ய முடியும் என்பது என்னை விட இயக்குனர்களுக்கு நன்றாக தெரியும்.
அடுத்து கீ படம் வெளிவர இருக்கிறது. கொரில்லா படத்தின் படப்பிடிப்பு தொடங்கி விட்டது. இவற்றை முடித்து கொடுத்துவிட்டு ராஜு முருகனின் ஜிப்ஸி படத்தில் நடிக்க இருக்கிறேன். ஜிப்ஸி காதல் படம் தான் ஆனால் அதிலும் ராஜு முருகனின் சமூக அக்கறை இருக்கும். என்றார் ஜீவா.