ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
விக்னேஷ் சிவன் இயக்கத்தில், அனிருத் இசையமைப்பில், சூர்யா, கீர்த்தி சுரேஷ் மற்றும் பலர் நடிக்க, ஸ்டுடியோ க்ரீன் கே.ஈ.ஞானவேல்ராஜா தயாரிப்பில் உருவாகி வரும் படம் தானா சேர்ந்த கூட்டம். இப்படத்தை 2018ம் ஆண்டு பொங்கலுக்கு வெளியிட உள்ளதாக ஏற்கெனவே அறிவித்துவிட்டார்கள். இந்த நிலையில் படத்திற்கு எதிராக சிலர் சிக்கலை ஏற்படுத்த முயல்வதாக திரையுலகத்தில் பரபரப்பாகப் பேசப்பட்டு வருகிறது.
சென்னை, காஞ்சிபுரம், திருவள்ளூர் மாவட்ட வினியோகஸ்தர் சங்கத் தேர்தலில் கே.ஈ.ஞானவேல்ராஜா போட்டியிட்டதே இதற்குக் காரணம் என்று கூறப்படுகிறது. தேர்தல் தொடர்பாக நடந்த பத்திரிகையாளர் சந்திப்புகளில், பைனான்சியரான அன்புச்செழியனுக்கு எதிராகவும், அவர் ஆதரவாளர்களையும் கே.ஈ.ஞானவேல்ராஜா, கடுமையாகத் தாக்கிப் பேசினார். அது மட்டுமல்ல மதுரை மாவட்ட வினியோகஸ்தர் சங்கத் தேர்தலிலும் போட்டியிடுவோம் என்றும் தெரிவித்தார்.
இதனால், அன்புச்செழியன் கடும் கோபமடைந்திருப்பதாகவும், கே.ஈ.ஞானவேல்ராஜா தயாரித்துள்ள தானா சேர்ந்த கூட்டம் படத்தை வெளிவர விடாமல் தடுக்க, அவர் தரப்பில் சில முந்தைய பஞ்சாயத்துகளை வைத்து சிக்கல்களை ஏற்படுத்தத் தயாராகி வருவதாகவும் கூறப்படுகிறது. இந்த விவகாரம்தான் தற்போது கோலிவுட்டில் பரபரப்பை ஏற்படுத்தியுள்ளது.
பொங்கலுக்கு வரும் படங்களிலேயே தானா சேர்ந்த கூட்டம் படத்திற்குத்தான் அதிக எதிர்பார்ப்பு உள்ளதாம். அப்படிப்பட்ட சூழ்நிலையில் திரையுலகில் அன்புச்செழியன் விவகாரத்தால் பிளவுபட்டு இருக்கும் இரு தரப்பினருக்கும் இடையில் வருங்காலத்தில் பல பிரச்சனைகள் உருவாகும் சூழல் ஏற்பட்டுள்ளது. அதன் முதல்படியாக தானா சேர்ந்த கூட்டம் படத்தின் வெளியீட்டுப் பிரச்சனை விஸ்வரூபம் எடுக்கும் என்கிறார்கள்.