சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் |
மலையாளத்தில் இன்று வெளியாகி இருக்கும் 'போக்கிரி சைமன்' என்கிற படத்துக்கு இயக்குனர் எஸ்.ஏ.சந்திரசேகர் தனது வாழ்த்துக்களை தெரிவித்துள்ளார். கேரளாவில் விஜய்க்கென ரசிகர்கள் அதிகம் இருப்பதால், அதை பின்னணியாக கொண்டு தற்போது விஜய்யின் கேரக்டரையும் அவரது தீவிர ரசிகர்கள் மூவரையும் மையப்படுத்தி 'போக்கிரி சைமன்' என்கிற பெயரில் ஒரு படத்தையே உருவாக்கி வருகின்றனர். இதில் விஜய் ரசிகராக 'போக்கிரி சைமன்' என்கிற கேரக்டரில் துல்கரின் நண்பரான சன்னி வெய்ன் கதாநாயகனாக நடித்திருக்கிறார். கதாநாயகியாக பிரயாக மார்ட்டின் நடித்துள்ள இந்தப்படத்தை ஜிஜோ ஆண்டனி என்பவர் இயக்கியுள்ளார்.
இன்று இந்தப்படம் வெளியாவதையொட்டி, படத்தின் தயாரிப்பாளரும், இயக்குனரும் சென்னை வந்து விஜய்யின் தந்தையும் இயக்குனருமான எஸ்.ஏ.சந்திரசேகரனை சந்தித்து வாழ்த்துக்கள் பெற்றனர். அதை தொடர்ந்து இந்தப்படத்திற்கு தனது வாழ்த்துக்களை வீடியோ பதிவாக வெளியிட்டுள்ளார் எஸ்.ஏ.சி.
அதில், “மம்முட்டி, மோகன்லால் ஆகியோரின் ரசிகர்களை பற்றிய படங்கள் கேரளாவில் வெளிவந்திருக்கின்றன. அதில் ஆச்சர்யம் ஒன்றும் இல்லை. ஆனால் என் மகன் விஜய்யை, அவரது ரசிகர்களை பற்றிய படம் ஒன்று இன்று மலையாளத்தில் வெளியாவது சந்தோஷமாக இருக்கிறது. விஜய்க்கு கேரளாவில் அதிக ரசிகர்கள் இருக்கின்றனர். விஜய் நடித்த போக்கிரி எப்படி மிகப்பெரிய வெற்றியை பெற்றதோ, அதே அளவு வெற்றியை இந்த 'போக்கிரி சைமன்' படமும் பெறுவது நிச்சயம்” என வாழ்த்தியுள்ளார் எஸ்.ஏ.சி.