ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது |
சுமார் எட்டு வருடங்களுக்கும் மேலாக முன்னணி காமெடியனாக தமிழ் சினிமாவில் நடித்து வருகிறார் சூரி. ஆனால் இதுவரை விக்ரம் உடன் இணைந்து நடித்ததில்லை. முதல்முறையாக விக்ரமுடன் இணைந்து ஹரி இயக்கத்தில் உருவாகும் 'சாமி 2' படத்தில் நடிக்க இருக்கிறார்.
அதேபோல், 2010-ல் வெளிவந்த 'ராவணன்' படத்தில் விக்ரம் உடன் இணைந்து நடித்த பிரபு, தற்போது சாமி-2 படத்தில் மீண்டும் அவருடன் இணைந்துள்ளார் .
'ஸ்கெட்ச்' படத்திற்கான படப்பிடிப்பு முடிவடைந்து தற்போது 'துருவ நட்சத்திரம்' படத்திற்காக ஜார்ஜியா சென்றுள்ளார் விக்ரம். இந்த ஷெட்யூல் முடிவடைந்ததும் விரைவில் திருநெல்வேலியில் துவங்கவுள்ள 'சாமி 2' படத்தின் படப்பிடிப்பில் கலந்துகொள்ளவிருக்கிறார் விக்ரம்.
சாமி-2 படத்தில் யார் யார் நடிக்கிறார்கள், டெக்ஷீனியன்கள் யார் என்ற விவரம் இதுவரை அதிகாரபூர்வமாக அறிவிக்கப்படாமல் இருந்தது. படத்தின் தயாரிப்பாளர் ஷிபு தமீன்ஸ் தற்போது அறிவித்துள்ளார். விக்ரம், த்ரிஷா, கீர்த்தி சுரேஷ், பாபி சிம்ஹா. சூரி, பிரபு ஆகியோர் நடிக்கின்றனர். ஒளிப்பதிவு - ப்ரியன், இசை - தேவிஸ்ரீ பிரசாத். ஸ்டன்ட் கனல் கண்ணன் போன்ற விவரங்களை தற்போது அதிகாரபூர்வமாக அறிவித்துள்ளனர்.