ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
மிஷ்கின் இயக்கத்தில் விஷால், பிரசன்னா, அனு இம்மானுவேல், ஆன்ட்ரியா, சிம்ரன் மற்றும் பலர் நடிக்கும் 'துப்பறிவாளன்' படம் செப்டம்பர் 14ம் தேதி வெளியாக உள்ளது. படத்தின் டீசர், டிரைலர் ஆகிய இரண்டும் ரசிகர்களிடம் ஒரு எதிர்பார்ப்பை ஏற்படுத்தியுள்ளது. தமிழ்த் திரையுலகில் குறுகிய காலத்தில் வித்தியாசமான இயக்குனர் எனப் பெயரெடுத்த மிஷ்கின் முதன் முறையாக கொஞ்சம் பெரிய ஹீரோவை இயக்கிய படம்.
மிஷ்கின் இயக்கத்தில் 9 ஆண்டுகளுக்கு முன்பு வெளிவந்த 'அஞ்சாதே' படத்திற்குப் பிறகு அதன் பின் அவர் இயக்கிய 'நந்தலாலா, யுத்தம் செய், முகமூடி, ஓநாயும் ஆட்டுக்குட்டியும், பிசாசு' ஆகிய ஐந்து படங்களும் தோல்வியைத்தான் தழுவின. 'யுத்தம் செய்' படம் மட்டும்தான் கொஞ்சம் சுமாராக ஓடியது.
விஷால் நடித்து 4 ஆண்டுகளுக்கு முன்பு வெளிவந்த 'பாண்டிய நாடு' படத்திற்குப் பின் அவர் நாயகனாக நடித்து வெளிவந்த 'நான் சிகப்பு மனிதன், பூஜை, ஆம்பள, பாயும் புலி, கதகளி, மருது, கத்திச் சண்டை' ஆகிய 7 படங்களும் தோல்விப் படங்களாகவே அமைந்தன.
தொடர்ந்து தோல்விகளைக் கொடுத்து வந்த மிஷ்கின், விஷால் இருவருமே 'துப்பறிவாளன்' படம் பெரிய வெற்றியைத் தரும் என்ற நம்பிக்கையில் இருக்கிறார்கள். அதற்கேற்றபடி படத்திற்கும் வினியோக வட்டாரங்களில் நல்ல வரவேற்பு கிடைத்துள்ளதாம். தமிழ்நாட்டில் சுமார் 400 தியேட்டர்கள் வரை இப்படம் வெளியாகும் என்று எதிர்பார்க்கப்படுகிறது.