சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் |
காலா படத்தின் கதையை உரிமை கோரிய வழக்கில் ரஜினி, ரஞ்சித் மற்றும் பட நிறுவனம் சார்பாக இன்று பதில் மனு தாக்கல் செய்யப்பட்டது. ரஜினி நடிப்பில் பா.ரஞ்சித் இயக்கத்தில், தனுஷ் தயாரிப்பில் உருவாகி வரும் படம் காலா. இப்படத்தின் முதற்கட்ட படப்பிடிப்பு மும்பையில் நடந்து முடிந்துள்ள நிலையில் இரண்டாம் கட்ட படப்பிடிப்பு சென்னையில் நடந்து வருகிறது.
இந்நிலையில், சென்னை, போரூரை சேர்ந்த, கே.ராஜசேகரன் என்பவர், காலா படத்தின் மூலக்கரு மற்றும் கதை என்னுடையது. இதுகுறித்து, ரஜினியை அவரது வீட்டில் சந்தித்து பேசியுள்ளேன். 1996ல், இயக்குனர் ரவிக்குமார் மூலம், கரிகாலன் மற்றும் உடன்பிறவாத தங்கச்சி ஆகிய படத் தலைப்புகளை வெளியிட்டேன். கரிகாலன் கதையின் கரு மற்றும் தலைப்பு அனைத்தும், என் படைப்பு. என் படைப்பை, நடிகர் தனுஷ், இயக்குனர் ரஞ்சித் ஆகியோர் மற்றொரு வடிவில், படமாக தயாரிக்கின்றனர். எனவே, கரிகாலன் என்ற தலைப்பையும், கதையையும் பயன்படுத்த, தடை விதிக்க வேண்டும் என சென்னை சிவில் கோர்ட்டில் வழக்கு தொடர்ந்தார்.
இது தொடர்பாக பதிலளிக்கும்படி, தென்னிந்திய திரைப்பட வர்த்தக சபை, ரஞ்சித், ரஜினி உள்ளிட்டோருக்கு நோட்டீஸ் அனுப்பி உத்தரவிட்டிருந்ததோடு, உரிய பதில் அளிக்கும்படி கால அவகாசமும் வழங்கியிருந்தது. ஆனால் ரஜினி உள்ளிட்டோர் பதிலளிக்காத சூழ்நிலையில், மும்பையில் படப்பிடிப்பு நடைபெறுவதால் பதிலளிக்க மேலும் கால அவகாசம் வேண்டும் என ரஜினி உள்ளிட்டோர் கோரிக்கை வைத்தனர். இதை ஏற்றுக்கொண்ட நீதிமன்றம், ரஜினி உள்ளிட்டோருக்கு மீண்டும் ஒருமுறை கால அவகாசம் அளித்து, வழக்கை வருகிற ஜூலை 20-ம் தேதிக்கு தள்ளி வைத்தது.
இதனையடுத்து இன்று தாக்கல் செய்யப்பட்ட பதில் மனுவில், விளம்பர நோக்கத்துடன் காலா படத்துக்கு எதிராக வழக்குத் தொடரப்பட்டுள்ளது. 1996-ம் ஆண்டு பதிவு செய்த கரிகாலன் தலைப்பை 2006-க்குப் பிறகு மனுதாரர் புதுப்பிக்கவில்லை. தேவையில்லாமல் ரஜினியை எதிர் மனுதாராக வழக்கில் சேர்த்துள்ளனர். காப்புரிமை விவகாரத்தில் உயர் நீதிமன்றத்தை நாடாமல், உரிமையியல் நீதிமன்றத்தை நாடியதும் தவறு என குறிப்பிடப்பட்டுள்ளது.