ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
ஜல்லிக்கட்டுக்கு ஆதரவாக அறப்போராட்டம் நடத்திய மாணவர்கள், இளைஞர்கள் மீது தடியடி நடத்தியதால் போலீஸ் மீது மக்கள் மத்தியில் கடும் எதிர்ப்பு ஏற்பட்டது. இதற்கு நேர்மாறாக தமிழ்நாடு போலீஸ் புராணம் பாடும் சி-3 படம் தற்போது வெளியாகி உள்ளது. போலீஸ் மீதான அதிருப்தி சி-3 படத்தின் வசூலை பாதித்துவிடுமோ என்ற கலக்கத்தில் உள்ளது சூர்யா தரப்பு.
இதேபோன்றதொரு சிக்கல் எமன் படத்துக்கும் ஏற்பட்டுள்ளது. 'சைத்தான்' படத்தை தொடர்ந்து விஜய் ஆன்டனி கதாநாயகனாக நடித்துள்ள படம் 'எமன்'. 'லைகா புரொடக்ஷன்ஸு'ம் விஜய் ஆன்டனியின் 'விஜய் ஆன்டனி ஃபிலிம் கார்பரேஷன்' நிறுவனமும் இணைந்து தயாரித்துள்ள இப்படத்தை ஜீவா சங்கர் இயக்கியுள்ளார். மியா ஜார்ஜ் கதாநாயகியாக நடித்துள்ளார். இவர்களுடன் தியாகராஜன், சங்கிலி முருகன் ஆகியோரும் முக்கிய பாத்திரங்களில் நடித்துள்ளனர்.
இப்படம் சமீபத்தில் தணிக்கைக்கு சென்றது. எமன் படத்தைப் பார்த்த தணிக்கைக் குழு அனைவரும் பார்க்க கூடிய படம் என்று 'U' சான்றிதழ் வழங்கியது. தணிக்கை சான்றிதழ் கிடைத்ததும் எமன் படத்தை இம்மாதம் 24ஆம் தேதி வெளியாகவிருக்கிறது. அரசியல் பின்னணியில் உருவாகியிருக்கும் இப்படம் தமிழ்நாட்டில் தற்போது நடந்து வரும் பரபரப்பான அரசியல் சூழ்நிலைகளுக்கு மாறாக இருக்கிறதாம். எனவே எமன் படத்தை இப்போது வெளியிடலாமா அல்லது சில வாரங்கள் தள்ளி வெளியிடலாமா என 'லைகா புரொடக்ஷன்ஸு'ம் விஜய் ஆன்டனியும் ஆலோசனை செய்து வருவதாக சொல்லப்படுகிறது.