ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் |
விஜய்சேதுபதி, தமன்னா, ஐஸ்வர்யா ராஜேஷ், ஸ்ருஷ்டி டாங்கே நடிக்க, சீனுராமசாமி இயக்கத்தில் வெளியான படம் - 'தர்மதுரை'. இதன் 100-வது நாள் வெற்றிவிழா, சென்னையில் உள்ள கமலா தியேட்டரில் கொண்டாடப்பட்டது. ஸ்டுடியோ-9 நிறுவனம் சார்பில் ஆர்.கே.சுரேஷ் தயாரித்த இப்படத்தின் 100-வது நாள் விழாவில், அந்தப் படத்தில் நடித்த நடிகர் நடிகையர், தொழில்நுட்ப கலைஞர்கள் மற்றும் விநியோகஸ்தர்களும் பங்குபெற்றனர். ஆனால் தர்மதுரை படத்தின் கதாநாயகியான தமன்னா மட்டும் 100-வது நாள் விழாவுக்கு வரவில்லை.
என்ன காரணம் என்று தர்மதுரை படக்குழுவினரிடம் கேட்டபோது கடந்த காலத்தில் நடைபெற்ற கசப்பான சம்பவங்கள் தான் காரணம் என்கின்றனர். தர்மதுரை படத்தில் நடித்தபோது கால்ஷீட் சொதப்பினாராம் தமன்னா. படப்பிடிப்புக்கு வராமல் டிமிக்கி கொடுத்ததால் தமன்னா மீது கடுப்பாகிவிட்டார் தர்மதுரை தயாரிப்பாளர்கள். அதன் பிறகு படம் வெளியான நேரத்தில் புரமோஷனுக்கு தமன்னாவை அழைத்தாராம் தயாரிப்பாளர். அப்போதும் அலட்சியப்படுத்தினாராம் தமன்னா. எனவே தயாரிப்பாளர்கள் சங்கத்திலும், நடிகர் சங்கத்திலும் தமன்னா மீது புகார் கொடுத்தார் அப்படத்தின் தயாரிப்பாளர். அதை மறக்காத தமன்னா அந்த கடுப்பில்தான் தர்மதுரை விழாவுக்கு வரவில்லை என்று கோலிவுட்டில் பேசிக்கொள்கிறார்கள்.