ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது |
டி.சி. மீடியா மற்றும் வீ கேர் புரொடெக்சன்ஸ் சார்பில் வர்கீஸ் தயாரித்துள்ள படம் 'தங்க ரதம்'. 'எனக்குள் ஒருவன்' மற்றும் 'ஸ்ட்ராபெர்ரி' போன்ற படங்களில் நடித்த வெற்றி, இந்தப் படத்தில் நாயகனாக நடித்திருக்கிறார். நீரஜா நாயகியாக நடித்திருக்கிறார். மற்றும் செளந்தர்ராஜன், 'நான் கடவுள்' ராஜேந்திரன், 'ஆடுகளம்' நரேன், 'லொள்ளு சபா' சாமிநாதன் மற்றும் பலரும் நடித்துள்ளனர். இயக்குனர் ஜெகன் உதவியாளர் பால முருகன் இயக்குகிறார்.
படம் பற்றி அவர் கூறியதாவது : ஒட்டன்சத்திரம் மார்க்கெட் பின்னணியை கொண்ட கதை. காதல், காமெடி, ஆக்சன் என பக்கா கமர்ஷியல் படமாக உருவாகியுள்ளது. ஒட்டன்சத்திரம் காய்கறி மார்க்கெட்டுக்கு வேனில் காய்கறிகளை ஏற்றி வரும் வேலையைச் செய்கிறார் நாயகன் வெற்றி. இவருக்கும், அதே வேலை செய்யும் இன்னொரு கும்பலுக்கும் இடையில் நடக்கும் தொழில் போட்டி, எப்படி விபரீதமாக மாறுகிறது. அதில் என்ன நடக்கிறது என்பதுதான் படத்தின் திரைக்கதை.
ஒட்டன்சத்திரம் மார்க்கெட்டில் இதுவரையில் எந்தப் படத்தின் படப்பிடிப்பும் நடத்தப்பட்டதில்லை. இதுதான் முதல் முறை. நிஜமாகவே மார்க்கெட் நடைபெறும் அதே நேரத்தில்தான் தொடர்ச்சியாக 15 நாட்கள் படப்பிடிப்பு நடத்தியுள்ளோம். நாகர்கோவில், பழனி போன்ற இடங்களிலும் படப்பிடிப்பு நடைபெற்றுள்ளது. இதுவரை எந்த சினிமாவிலும் ஒட்டன்சத்திரம் கதை களமாக இருந்ததில்லை. அதற்காகவே இந்த கதை களத்தை தேர்ந்தெடுத்திருக்கிறோம். இது ரசிகர்களுக்கு வித்தியாசமான அனுபவமாக இருக்கும். என்றார் பாலமுருகன்.