ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் |
கார்த்திக் சுப்புராஜ் இயக்கிய இறைவி படத்தில் புரட்சிகரமான வேடத்தில் நடித்தவர் பூஜா தேவாரியா. இறைவி படத்தில் பணியாற்றியபோது கார்த்திக் சுப்பாராஜுக்கும் பூஜா தேவாரியாவுக்கும் கெமிஸ்ட்ரி வொர்க் அவுட்டானதாகவும், அதனால் அவரே பாபிசிம்ஹா, விஜய்சேதுபதி உட்பட பலருக்கும் பூஜாவை சிபாரிசு செய்கிறார் என்றும் செய்தி வெளியானது.
ஆனால், இறைவி படத்துக்கு முன்பே செல்வராகவன் இயக்கிய மயக்கம் என்ன, மணிகண்டன் இயக்கிய குற்றமே தண்டனை ஆகிய படங்களில் நடித்தவர்தான் பூஜா தேவாரியா. இறைவி படத்துக்குப் பிறகு தன் நடிப்பில் குற்றமே தண்டனை, ஆண்டவன் கட்டளை ஆகிய படங்கள் வெளிவந்ததால் பூஜா தேவாரியா மகிழ்ச்சியில் இருக்கிறார்!
அது மட்டுமல்ல, இப்படங்களில் பூஜா ஏற்றிருந்த கேரக்டர்களுக்கு ரசிகர்கள் மத்தியில் மட்டுமல்லாமல் விமர்சகர்களின் பாராட்டுக்களும் கிடைத்ததில் பெரும் மகிழ்ச்சி அடைந்திருக்கிறார்! தற்போது பாபி சிம்ஹா தயாரித்து நடிக்கும் வல்லவனுக்கும் வல்லவன் படத்தில் ஒரு முக்கிய கேரக்டரில் நடித்து வருகிறார் பூஜா தேவாரியா.
இவர், நாடக மேடையிலிருந்து சினிமாவுக்கு வந்தவர்! எனவே கலை உலகில் பயணித்து வரும் பூஜாவின் திறமையை பாராட்டி அவருக்கு லாஸ் ஏஞ்சல்ஸ் நகரின் ஷார்ட் அண்ட் ஸ்வீட் பிரபல ஹாலிவுட் நாடக விழாவில வளர்ந்து வரும் கலைஞர் என்கிற விருது வழங்கப்பட்டிருக்கிறது. உலகின் மிகப் பெரிய நாடக விழாவாக கருதப்படும இந்த விழாவில் மை நேம் ஈஸ் சினிமா மற்றும் வா வன் கோ ஆகிய இரண்டு நாடகங்களையும் பூஜா தேவாரியா அரங்கேற்றி பாராட்டு பெற்றிருக்கிறார்.