Dinamalar

'குற்றமே தண்டனை', மீண்டும் விருதுகளை அள்ளுவாரா மணிகண்டன் ?

'காக்கா முட்டை' திரைப்படம் தமிழ் சினிமாவின் பெருமையை இந்த உலகிற்கு உணர்த்திய ஒரு யதார்த்த படைப்பாக அமைந்தது. தேசிய விருதுகள் உட்பட பல விருதுகளைப் பெறக் காரணமாக இருந்தவர் படத்தின் இயக்குனர் மணிகண்டன். அவரது இயக்கத்தில் அடுத்து உருவாகியுள்ள 'குற்றமே தண்டனை' படம் இன்று வெளியாகிறது. இதற்கு முன் சில திரைப்பட விழாக்களில் கலந்து கொண்டு மிகப் பெரும் வரவேற்பை இந்தப் படம் பெற்றது. வழக்கமான கமர்ஷியல் சினிமா இயக்குனராக, பணம் சம்பாதிக்க மட்டுமே திரையுலகத்திற்கு வந்த இயக்குனராக அவர் இல்லை என்பது அவரது படைப்புகளைப் பார்த்தாலே தெரியும்.

'காக்கா முட்டை' படத்தைப் போலவே 'குற்றமே தண்டனை' படத்தையும் மிகக் குறைந்த செலவில் தான் படமாக்கியிருக்கிறாராம். 'மைனா' படத்திற்குப் பிறகு மீண்டும் ஒரு திருப்புமுனைக்காகக் காத்திருக்கும் விதார்த், இப்போதே தனக்கு அதற்குரிய அங்கீகாரம் கிடைத்துவிட்டதாகச் சொல்கிறார். இது ஒரு வழக்கமான த்ரில்லர் படமல்ல என்று சொல்லும் மணிகண்டன் இந்தப் படத்திலும் தன்னுடைய திறமைக்கு மீண்டும் நல்ல அங்கீகாரம் கிடைக்கும் என்ற நம்பிக்கையுடன் இருக்கிறார்.

'காக்கா முட்டை' படம் விருதுகளை மட்டும் அள்ளாமல் கமர்ஷியலாகவும் நல்ல வசூலைக் கொடுத்த படமாக அமைந்தது. அதே போல 'குற்றமே தண்டனை' படமும் விருதுகளுடன், வசூலையும் கொடுக்கும் என படக்குழுவினர் எதிர்பார்த்து காத்துக் கொண்டிருக்கிறார்கள். அது நல்ல படங்களை ரசிக்கும் தமிழ் ரசிகர்களின் கையில்தான் உள்ளது.

• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி

• 
  வாக்காளர் பட்டியலில் மமிதா பைஜூ பெயர் நீக்கம்
• 
  காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்?
• 
  ஜூலை மாதத்தில் வெளியாகும் ராயன்
• 
  சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் ...
• 
  மும்பையில் தொடங்கிய குபேராவின் அடுத்தக்கட்ட படப்பிடிப்பு