ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் |
இசையமைப்பாளர் ஏ.ஆர்.ரஹ்மானுக்கு ஜப்பான் நாட்டின் புகுவோகா விருது அறிவிக்கப்பட்டுள்ளது. மணிரத்னத்தின் ரோஜா படத்தின் மூலம் இசையமைப்பாளராக அறிமுகமானவர் ஏ.ஆர்.ரஹ்மான். தொடர்ந்து பல வெற்றி படங்களுக்கு இசையமைத்து நம்பர்-1 இசையமைப்பாளராக உயர்ந்த ரஹ்மான், தமிழ் தவிர்த்து தெலுங்கு, ஹிந்தி, ஆங்கிலம் என மொழிகளிலும் இசையமைத்துள்ளார். மேலும் ஸ்லம்டாக் மில்லினியர் என்ற படத்திற்காக இரண்டு ஆஸ்கர் விருதுகளும் பெற்று இந்தியாவின் பெருமையை உலகளவில் உயர்த்தினார். ரஹ்மானுக்கு கிராமி விருதுகள் உள்ளிட்ட பல சர்வதேச விருதுகளும் கிடைத்துள்ளது.
இந்நிலையில் ரஹ்மானின் இசை சேவையை பாராட்டி ஜப்பான் நாட்டிலும் விருது அறிவிக்கப்பட்டுள்ளது. அதன்படி ரஹ்மானுக்கு அந்நாட்டின் புகுவோகா எனும் விருது அறிவிக்கப்பட்டுள்ளது. இந்த விருதில் கிராண்ட், அகடமிக், கலை மற்றும் கலாசாரம் என்ற 3 பிரிவுகளில் விருது வழங்கப்படுகிறது. இதை ஜப்பானில் உள்ள ஒரு அமைப்பு வழங்குகிறது. ஆசியாவில், கலைத்துறையில் சிறந்த விளங்கிய கலைஞர்களுக்கு ஒவ்வொரு ஆண்டு விருது வழங்கி இந்த அமைப்பு கவுரவிக்கிறது. அதன்படி இந்தாண்டு ரஹ்மானுக்கு புகுவோகா விருது அறிவிக்கப்பட்டுள்ளது.
இதற்கு முன் இந்த விருதை சிதார் இசைக்கலைஞர் ரவி சங்கர், நடன கலைஞர் பத்மா சுப்ரமணியம், வரலாற்று ஆய்வாளர் ரோமிலா தாபார், சரத் மஸ்திரோ கலைஞர் அஜ்மத் அலி கான், சமூக மற்றும் கலாசாரத்துறையில் ஆசிஸ் நந்தி, அரசியல் அறிவியல், வரலாற்று துறை அறிஞர் பார்த்தா சாட்டர்ஜி, சுற்றுச்சூழல் ஆய்வாளர் வந்தன ஷிவா, ஓவியக்கலைஞர் நளினி மாலினி, வரலாற்று, சமூக ஆய்வாளர் ராமச்சந்திரா குகா ஆகியோர் இந்த விருதை பெற்றுள்ளனர்.