ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
விஜய், அஜித் ஆகிய இருவரது படங்கள் வந்தாலும் போட்டிதான், டீசர், டிரைலர் ஆகியவை வந்தாலும் போட்டிதான் என்றாகிவிட்டது. எத்தனை மாதங்கள் இடைவெளிவிட்டு வந்தாலும், இரண்டையும் ரசிகர்கள் ஒப்பிட்டுப் பார்ப்பது நடந்து வருகிறது. விஜய் நடித்த 'புலி' படத்தின் டிரைலர் ஆகஸ்ட் மாதம் வெளியானது. இந்த டிரைலர் வெளியான ஒரு மாதங்களுக்குள் இந்தியாவிலேயே அதிக லைக்குகள் பெற்ற சாதனை என்ற பெருமையைப் பெற்றது.
நேற்று வரை 'புலி' டிரைலர் 1,12,000 லைக்குகளைப் பெற்று முதலிடத்தில் இருந்து வந்தது. அந்த சாதனையை நேற்று இரவு 'வேதாளம்' படத்தின் டீசர் முறியடித்துவிட்டு. இப்போது 'வேதாளம்' டீசர் 1,14,000 லைக்குகளைக் கடந்து இந்தியாவிலேயே அதிக லைக்குகளைப் பெற்ற ஒரு டீசர் என்ற புதிய சாதனையைப் படைத்துள்ளது. 'புலி' நம்பர் 1 சாதனையைப் பிடிக்க மொத்தமாக 23 நாட்களானது. ஆனால், 'வேதாளம்' நம்பர் 1 சாதனையைப் பிடிக்க வெறும் 2 நாட்களுக்கும் குறைவாகவே ஆனது.
அதே சமயத்தில் 'டிஸ்-லைக்'குகளைப் பெற்றுள்ளதிலும் 'வேதாளம்' டீசர் சாதனை படைத்துள்ளது. இந்த டீசருக்கு இதுவரை 37,000க்கும் மேற்பட்ட 'டிஸ்-லைக்குகள்' கிடைத்துள்ளது. 'புலி' இதுவரை 27,000க்கும் மேற்பட்ட 'டிஸ்-லைக்குகள்' மட்டுமே கிடைத்துள்ளன.
இந்தியாவிலேயே அதிக லைக்குகளைப் பெற்ற டீசர், டிரைலர் ஆகியவற்றில் தமிழ்ப் படங்கள்தான் சாதனை மேல் சாதனை படைத்துக் கொண்டிருக்கின்றன. 500 கோடி ரூபாய் மேல் வசூலாகும் ஹிந்திப் படங்கள் புரியாத சாதனையை 100 கோடி ரூபாய் வரை மட்டுமே சாதனை புரியும் தமிழ்ப் படங்கள் புரிவது மிகப் பெரிய விஷயமாகும். இந்த விதத்தில் இந்திய திரையுலகத்தைப் பொறுத்தவரை ஹிந்தி, தெலுங்கு ஆகிய திரையுலகங்களை விட தமிழ்த் திரையுலகம் முன்னணியில் இருந்து வருகிறது.