சீனாவுக்கு பறக்கும் விஜய் - சமந்தா - Vijay

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

சீனாவுக்கு பறக்கும் விஜய் - சமந்தா

28 மே, 2015 - 18:13 IST

எழுத்தின் அளவு:

கோலிவுட் இயக்குநர்களின் பார்வை தற்போது சீனாவின் பக்கம் திரும்பி உள்ளது. இந்த வருடத்தின் துவக்கத்தில் வெளியாகி வெற்றிப்படமாக அமைந்த ஷங்கரின் 'ஐ' படத்தில் பெரும்பாலான காட்சிகள் சீனாவில்தான் படமாக்கப்பட்டன. குறிப்பாக விக்ரம், எமி ஜாக்ஸன் விளம்பரப் படப்பிடிப்பில் கலந்துகொள்வது போன்ற காட்சிகள் மற்றும் விக்ரம் உடன் சீனாவைச் சேர்ந்த அடியாட்கள் மோதும் சண்டைக்காட்சி உட்பட பல காட்சிகள் அங்கே படமாக்கப்பட்டது. சீனாவின் லொக்கேஷன்கள் ரசிகர்களை பெரிதும் கவர்ந்து இழுத்தது. அதுமட்டுமல்ல, இந்த காட்சிகள் ரசிகர்கள் மத்தியில் மிகப்பெரிய ஆச்சரியத்தையும் ஏற்படுத்தியது.

ஐ படத்தைப் பார்த்தபோது, நடிகர் விஜய்க்கும் 'ஐ' படத்தில் இடம்பெற்றிருந்த சீனாவில் படமாக்கப்பட்ட காட்சிகள் மிகவும் பிடித்துப்போனதாம். எனவே அடுத்து தான் நடிக்கும் படத்தின் பாடல்காட்சியை, சீனாவுக்கு சென்று எடுக்க வேண்டும் என ஆசைப்பட்டுள்ளார். இந்த ஆசையை இயக்குனர் அட்லியிடம் தெரிவித்திருக்கிறார் விஜய். அசரது விருப்பத்தை தயாரிப்பாளர் கலைப்புலி தாணுவிடம் சொல்லி இருக்கிறார் அட்லி. தாணு டபுள் ஓகே சொல்லிவிட்டார்.

தற்போது 'புலி' படத்தை முடித்துள்ள விஜய், சில வாரங்கள் ஓய்வு எடுத்துக் கொண்ட பிறகு, ஜூலை இறுதியில் அட்லி இயக்கும் படத்தில் கலந்து கொள்கிறார்.

இப்படத்தின் முதல்கட்டப் படப்பிடிப்புக்காக... அதாவது... பாடல் காட்சிகளுக்காக விஜய், ஹீரோயின் சமந்தா அட்லி உள்ளிட்ட 'விஜய் 59' படக்குழு சீனாவுக்கு பறக்க உள்ளது.

Vijay

Samantha

விஜய்

சமந்தா

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய