சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் |
'முகமூடி' என்ற ஒரு படத்தை இயக்கியதையே மறக்க வேண்டும் என்றுதான் அந்தப் படத்தை இயக்கிய மிஷ்கினே நினைத்திருப்பார். அந்தப் படத்தில் சூர்யாதான் முதலில் நடிப்பதாக இருந்தது, அவர் மறுத்த கதையில்தான் ஜீவா நடித்தார். நல்ல வேளை அந்தப் படத்தில் நடிக்காமல் இருந்தோமே என சூர்யா அந்த அளவிற்கு மகிழ்ந்திருப்பார். 'முகமூடி' படத்தில் நாயகியாக அறிமுகமானவர்தான் பூஜா ஹெக்டே. நல்ல உயரத்துடனும், அழகாகவும் இருந்த நாயகியான இவருக்கு படத்தின் தோல்வி, அதன் பின் தமிழில் ஒரு படத்தில் நடிக்கும் வாய்ப்பைக் கூட ஏற்படுத்திக் கொடுக்காமல் போய்விட்டது.
இருந்தாலும் மனம் தளராத பூஜா மற்ற மொழிகளில் நடிப்பதில் கவனம் செலுத்தினார். அவர் தெலுங்கில் நாயகியாக நடித்துள்ள 'ஒக லைலா கோசம்' படம் கடந்த வெள்ளியன்று வெளியானது. இந்தப் படத்தில் நாக சைதன்யா ஹீரோவாக நடித்துள்ளார். படத்திற்கு நல்ல வரவேற்பு கிடைத்து வருகிறதாம். அதோடு, அவர் நடித்துள்ள மற்றொரு தெலுங்குப் படமான 'முகுந்தா' படமும் விரைவில் வெளியாக உள்ளது. இந்த தெலுங்குப் படங்களைத் தவிர ஹிருத்திக் ரோஷன் ஜோடியாக, அஷுதோஷ் கௌரிகர் இயக்க உள்ள 'மொகஞ்சதாரோ' ஹிந்திப் படத்திலும் நாயகியாக நடிக்க ஒப்பந்தமாகியுள்ளார்.
2010ல் மிஸ் இந்தியா ரன்னர்-அப்,ஆக தேர்வான பூஜா ஹெக்டேவை, தமிழ்த் திரையுலகம் ஒதுக்கினாலும், தெலுங்கிலும், ஹிந்தியிலும் விரைவில் புகழ் பெற்று விடுவார் என்கிறார்கள். தமிழில் வாய்ப்பு மறுக்கப்படும் நடிகைகள் மற்ற மொழிகளில் புகழின் உச்சிக்குச் செல்வது பல காலமாகவே நடந்து வருகிறது. அது பூஜாவிற்கும் தொடர்கிறது.