ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
தான் அறிமுகமான முதல் படமான அறிந்தும் அறியாமலும் படத்தில் நவ்தீப்புடன் இணைந்து நடித்தார் ஆர்யா. அதையடுத்து பட்டியல் படத்தில் பரத்துடன் இணைந்து நடித்தார். அவன் இவனில் விஷால், உருமியில் ப்ருத்விராஜ், ராஜா ராணியில் ஜெய், ஆரம்பம் படத்தில் அஜீத் என பல படங்களில் மற்ற நடிகர்களுடன் இணைந்து நடித்திருக்கிறார் ஆர்யா.
அந்த வரிசையில் தற்போது புறம்போக்குவில் விஜயசேதுபதி, யாட்சனில் கிருஷ்ணாவுடனும் இணைந்து நடித்து வருகிறார். இப்படி டபுள் ஹீரோ சப்ஜெக்டுகளில் ஆரம்பத்தில் இருந்தே நடிப்பதில் அதிக ஆர்வம் காட்டி வரும் ஆர்யா, இதுவரை விஜய்யுடன் இணைந்து நடித்ததில்லை. அதனால் அடுத்து விஜய்யுடனும் நடிக்க ஆசைப்படுகிறாராம்.
நேற்று முன்தினம் சென்னையில் நடைபெற்ற கத்தி ஆடியோ விழாவுக்கு வந்திருந்த ஆர்யா, மேடையில் பேசும்போது, விஜய்யை பற்றி பெருமையாக பேசினார். அதோடு, நான் பல படங்களில் மற்ற ஹீரோக்களுடன் இணைந்து நடித்து விட்டேன், ஆரம்பம் படத்தில் தல அஜீத்துடன் நடித்து விட்டேன். ஆக, அவருடன் நடிக்க வேண்டுமென்ற ஆசை தீர்ந்து விட்டது. ஆனால் தளபதி விஜய்யுடன் நடிக்க வேண்டும் என்ற ஆசை நீண்டகாலமாக உள்ளது. ஆனால், சந்தர்ப்பம்தான் இதுவரை அமையவில்லை. அதனால் அப்படியொரு வாய்ப்புக்காக ஆவலுடன் காத்துக்கொண்டிருக்கிறேன் என்று விஜய் முன்னிலையில் தெரிவித்தார் ஆர்யா.