ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
ஷங்கர் இயக்கத்தில் பிரம்மாண்டமாகத் தயாராகியுள்ள 'ஐ' படத்தின் டீசர் மற்றும் ஆடியோ இரண்டு நாட்களுக்கு முன் வெளியிடப்பட்டது. படத்தின் பாடல்களும் டீசரும் தமிழ்த் திரையுலகத்தை மட்டுமல்ல, இந்தியத் திரையுலகத்தையும் திரும்பிப் பார்க்க வைத்துள்ளது. படத்தில் உள்ள பிரம்மாண்டத்தையும், விஷூவல் எஃபெக்ட்ஸ், மேக்கப் இன்னும் பிற விஷயங்களை உள்ளடக்கிய ஒரு நிமிடத்திற்கும் குறைவாக வெளியிடப்பட்ட டீசரே பலரையும் ஆச்சரியப்படுத்தி வருகிறது.
இதுவரை வந்த ஷங்கர் படங்களை விட இந்தப் படத்தின் பிரம்மாண்டமும், தொழில்நுட்ப விஷயங்களும் நமது தமிழ் சினிமாவின் தரத்தை பன்மடங்கு உயர்த்தியிருப்பதாக எண்ணற்ற ரசிகர்கள் கருத்துத் தெரிவித்து வருகிறார்கள். அதே சமயம் திரையுலகத்தைச் சேர்ந்த பல இயக்குனர்களும் டீஸரைப் பற்றிப் பாராட்டி வருகிறார்கள். அவர்களில் குறிப்பிட வேண்டியவர் 'நான் ஈ' படத்தின் இயக்குனர் எஸ்.எஸ்.ராஜமௌலி. 'நான் ஈ' படத்தில் அவருடைய கிராபிக்ஸ், பிரம்மாண்டம் தமிழ் ரசிகர்களையும் அவருக்குப் பெற்றுத் தந்தது. தற்போது 'பாகுபலி' என்ற பிரம்மாண்ட சரித்திரப் படத்தை இயக்கி வருகிறார். தென்னிந்தியாவில் ஷங்கருக்கு அடுத்து பிரம்மாண்டத்தில் அசத்தும் இயக்குனர் ராஜமௌலி என்பது குறிப்பிடத்தக்கது.
'ஐ' டீசரைப் பற்றி அவர் கூறியிருப்பதாவது, “ஷங்கர் ஸார்......ஐ டீசர்...பிரமிக்க வைக்கிறது, அவரின் பிரம்மாண்டத்திற்கும், காட்சியமைப்பிற்கும், ஒருவரும் பக்கத்தில் கூட நெருங்க முடியாது,” என்று மனம் திறந்து பாராட்டியுள்ளார்.