பஞ்சு அருணாசலத்துக்கு வாழ்நாள் சாதனையாளர் விருது: கண்ணதாசன் அறக்கட்டளை வழங்கியது

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

16 செப், 2014 - 14:32 IST

எழுத்தின் அளவு:

கவியரசர் கண்ணதானின் உதவியாளராக இருந்து பின்னர் பாடலாசிரியராகி, தயாரிப்பாளர் ஆனவர் பஞ்சு அருணாசலம். ரஜினி, கமல், சிவாஜியை வைத்து 50க்கும் மேற்பட்ட படங்களை தயாரித்தவர். 75க்கும் மேற்பட்ட படங்களுக்கு கதை, வசனம் எழுதியவர். அவருக்கு காரைக்குடி கவிஞர் கண்ணதாசன் சமூக நல அறகட்டளை சார்பில் வாழ்நாள் சாதனையாளர் விருது வழங்கப்பட்டது.

இசைஞானி இளையராஜா விருதை அவருக்கு வழங்கி பேசியதாவது: என்னை சினிமாவில் அறிமுகப்படுத்தி எனக்கு இளையராஜா என்று பெயர் வைத்தவர் பஞ்சு அருணாசலம். காரைக்குடியில் கம்யூனிஸ்ட் கட்சிகளுக்காக நிறைய கச்சேரி செய்திருக்கிறேன். கண்ணதாசனை இங்கு சந்தித்து தேன் சிந்துதே வானம் பாடலை எழுதி வாங்கினேன். கண்ணதாசன் மாதிரி பாட்டு எழுதுகிறவர்கள் உலகத்திலேயே யாரும் கிடையாது.

பஞ்சு அருணாசலம் நல்ல தயாரிப்பாளர். ரஜினியும், கமலும் இணைந்து நடிக்கும் ஒரு படத்துக்கு இருவருக்கும் அட்வான்ஸ் கொடுத்திருந்தார். திடீரென்று இருவரும் சேர்ந்து நடிப்பதில்லை என்று முடிவு செய்தார்கள். இதற்காக பஞ்சு அருணாசலம் கலங்கவில்லை ரஜினியை வைத்து ஆறிலிருந்து 60 வரை படத்தையும் கமலை வைத்து கல்யாணராமன் படத்தையும் எடுத்து இரண்டையும் வெற்றி பெற வைத்தார். அவருக்கு இந்த விருது பொருத்தமானது. இவ்வாறு இளையராஜா பேசினார்.

விழாவில் கண்ணதாசனம் சமூக அறக்கட்டளை தலைவர் ஆர்.எம்.வீரப்பன், பொதுச் செயலாளர் அரு.நாகப்பன், பாராளுமன்ற உறுப்பினர் சுதர்சன நாச்சியப்பன், பாரதி ஜனதா கட்சியின் தேசிய செயலாளர் எச்.ராஜா உள்பட பலர் கலந்து கொண்டனர்.

Panchu Arunachalam

பஞ்சு அருணாச்சலம்

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய