ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
இசையமைப்பாளர் விஜய் ஆண்டனி கதாநாயகனாக நடித்த முதல் படமான நான் திரைப்படத்தின் இரண்டாம் பாகமாக சலீம் படம் உருவாக்கப்பட்டிருக்கிறது.
சில தினங்களுக்கு முன் வெளியான இப்படத்தில் சலீம் என்ற மனிதாபிமானமிக்க டாக்டர் வேடத்தில் நடித்துள்ளார் விஜய் ஆண்டனி.
தனியார் மருத்துவமனையில் டாக்டராக பணியாற்றும் சலீமை, மருத்துவமனையின் நிர்வாகம் மன உளைச்சலுக்கு உள்ளாக்கி, அவரை வேலை நீக்கமும் செய்கிறது.
அவருக்கு நிச்சயிக்கப்பட்ட பெண்ணும் சலீமை புரிந்து கொள்ளாமல் டார்ச்சர் செய்கிறார், இன்னொரு பக்கம். சலீமை தொடர்ந்து அவமானப்படுத்தும் கதாநாயகி, ஒருகட்டத்தில் சலீமை திருமணம் செய்து கொள்ள விருப்பமில்லை என்று சொல்லி திருமணத்தையே நிறுத்திவிடுகிறார்.
இரண்டு பக்கமும் இடிபட்ட வெறுத்துப்போன சலீம் வெகுண்டெழுகிறார் என்பதாக சலீம் படத்தின் கதை உள்ளது.
2007 ஆம் ஆண்டு வெளியான பிங் பேங்க் என்ற கொரிய திரைப்படத்தின் கதையும் இதுதான்.
பார்க் ஜங் வூ என்ற கொரிய இயக்குநரின் இயக்கத்தில் வெளியான இந்தப் படத்தின் ஹீரோவான பார்க் மேன் சூ அலுவலகத்தில் வேலை செய்யும் சாதாரண சிப்பந்தி.
தான் உண்டு தன் வேலை உண்டு என்று சராசரியான வாழ்க்கை வாழ்கிற அவனுடன் வாழ அவனது மனைவிக்கு பிடிக்கவில்லை. எனவே, விவாகரத்து கேட்கிறாள்.
இன்னொரு பக்கம், அவனது முதலாளி மிகப்பெரிய ஊழல் பெருச்சாளியாக இருக்கிறான்.
இவர்களுக்கிடையில் சிக்கி மன உளைச்சலுக்குள்ளாகும் பார்க் மேன் சூ, ஒரு கட்டத்தில் கடுப்பாகிறான்.
ஃபுல்லாக மது குடித்துவிட்டு, காரில் கண்மண் தெரியாமல் பறக்கிறான்.
போலீஸ் அவனை மடக்குகிறது. போலீஸ் ஸ்டேஷனில் அடைபட்டுள்ள ஒரு ரௌடியுடன் சேர்ந்து கொண்டு போலீஸ் அதிகாரியின் துப்பாக்கியையும், வாகனத்தையும் எடுத்துக்கொண்டு தப்பிக்கிறான் பார்க் மேன் சூ.
பிங் பேங்க் படத்தின் இந்தக் கதையைத்தான் காப்பியடித்து சில காட்சிகளை கூடுதலாக சேர்த்து சலீம் படமாக எடுத்திருக்கிறார்கள்.
பிங் பேங்க் படத்தின் கதையை காப்பியடித்து சலீம் படத்தை எடுத்திருப்பது படத்துறையில் பரபரப்பான விவாதத்தை ஏற்படுத்தி உள்ளது.!