ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது |
மம்முட்டி, ரஞ்சித் நடித்த 'மறுமலர்ச்சி' படத்தில் சிறு கதாபாத்திரத்தில் நடித்தவர் கலாபவன் மணி. அதன் பின் விக்ரம் நடித்த 'ஜெமினி' படத்தில் நகைச்சுவை கலந்த வில்லனாக நடித்து நல்ல பெயரைப் பெற்றதைத் தொடர்ந்து பல படங்களில் நடிக்க ஆரம்பித்தார். சமீபகாலமாக அதிகமான தமிழ்ப் படங்களில் நடிக்காமல் இருந்த கலாபவன் மணி தற்போது கமல்ஹாசன் நடிக்கும் 'த்ரிஷ்யம்' படத்தின் தமிழ் ரீமேக்கில் கான்ஸ்டபிள் கதாபாத்திரம் ஒன்றில் நடிக்க உள்ளார். இந்த கதாபாத்திரத்தில் மலையாளத்தில் கலாபவன் ஷாஜன் நடித்திருந்தார்.
கமல்ஹாசன் நடிக்கும் படம் ஒன்றில் கலாபவன் மணி நடிப்பது இதுவே முதல் முறை. இந்தப் படத்தில் கமல்ஹாசனின் மூத்த மகளாக 'ஜில்லா' படத்தில் விஜய் தங்கையாக நடித்த நிவேதா நடிக்க, இளைய மகளாக மலையாளப் படத்தில் நடித்த அதே எஸ்தர் அனில் நடிக்கிறார். படத்தின் முக்கிய கதாபாத்திரமான காவல் துறை அதிகாரி கதாபாத்திரத்தில் மலையாளத்தில் அதே கதாபாத்திரத்தில் நடித்த ஆஷா சரத் நடிக்கிறார். இன்னும் கமலுக்கு ஜோடியாக யார் நடிக்கப் போகிறார்கள் என்பது சஸ்பென்சாகவே உள்ளது.
ஒரு பக்கம் கேரள நீதிமன்றத்தில் இப்படம் தொடர்பான வழக்கு நடந்து கொண்டிருந்தாலும் தமிழில் முன் தயாரிப்புப் பணிகள் விறுவிறுப்பாக நடைபெற்று வருகின்றன. அடுத்த மாதம் படத்தின் படப்பிடிப்பை ஆரம்பிக்க உள்ளனர். 'உத்தம வில்லன், விஸ்வரூபம் 2' ஆகிய படங்களைத் தொடர்ந்து கமல்ஹாசன் நடிக்க உள்ள இப்படம் அடுத்த ஆண்டு துவக்கத்தில் வெளியாக வாய்ப்புள்ளது.