ஜூனியர் என்டிஆரை இயக்கும் அஜய் ஞானமுத்து? | ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் |
நிதிஷ் திவாரி இயக்கத்தில் அமீர்கான், பாத்திமா சனா ஷேக், சான்யா மல்கோத்ரா, சாயிரா வாசிம் மற்றும் பலர் நடிக்க 2016ம் ஆண்டு டிசம்பரில் இந்தியாவில் வெளியான படம் தங்கல். விமர்சகர்களால் பெரிதும் பாராட்டப்பட்டு, ரசிகர்களிடமும் பெரும் வரவேற்பைப் பெற்ற இந்தப் படம் உலகம் முழுவதும் சுமார் 750 கோடி ரூபாயை வசூலித்தது.
ஏப்ரல் மாதம் 28ம் தேதி வெளிவந்த பாகுபலி 2 திரைப்படம் தங்கல் படத்தின் 750 கோடி ரூபாய் சாதனையை முறியடித்து 1000 கோடி ரூபாய் வசூலைக் கடந்தது. அந்த சமயத்தில் தங்கல் படம் சீனாவில் வெளியாகியது. அங்கு யாரும் எதிர்பார்க்காத வண்ணம் சீன ரசிகர்களிடம் மிகப் பெரிய வரவேற்பைப் பெற்ற தங்கல் படம் சீக்கிரத்திலேயே பாகுபலி 2 சாதனையை முறியடித்து உலக அளவில் அதிக வசூலைப் பிடித்த இந்தியப் படம் என்ற சாதனையைப் பெற்றது.
பாகுபலி 2 படத்தின் வசூல் தற்போது குறைந்துவிட்டது. ஆனால், சீனாவில் வெளியான தங்கல் படம் இன்னமும் 6000க்கும் மேற்பட்ட தியேட்டர்களில் ஓடிக் கொண்டிருக்கிறது. தற்போதைய சீன வசூல் 1250 கோடியைக் கடந்ததையடுத்து 2000 கோடியைக் கடந்த முதல் இந்தியப் படம் என்ற பெருமையை தங்கல் படம் பெற்றுள்ளது. அது மட்டுமல்ல சீனாவில் அதிகம் வசூலித்த ஆங்கிலம் அல்லாத படங்களில் முதல் 5 இடங்களில் தங்கல் படமும் இடம் பெற்றுவிட்டது.
பாகுபலி 2 படத்தின் வசூல் சாதனையில் நொந்து போயிருந்த பாலிவுட்டினர் தற்போது தங்கல் படத்தின் வசூல் சாதனையால் மகிழ்ச்சியடைந்துள்ளனர். தங்கல் படத்தின் வசூலை சீனாவில் வெளியாகும் போது பாகுபலி 2 கடக்குமா என்பதுதான் அடுத்த எதிர்பார்ப்பாக இந்திய ரசிகர்களுக்கு இருக்கும்.