ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
நடிகை ஸ்ரீதேவி, தயாரிப்பாளர் போனி கபூர் ஆகியோரின் மூத்த மகள் ஜான்வி கபூர் சினிமாவில் நடிகையாக அறிமுகமாக உள்ளார் என கடந்த சில வருடங்களாகவே செய்திகள் வந்து கொண்டேயிருக்கின்றன. ஸ்ரீதேவி தன் மகள் ஜான்வியை தமிழ் சினிமாவில் அறிமுகப்படுத்த உள்ளார் என்றும், தெலுங்கு சினிமாவில் அறிமுகப்படுத்த உள்ளார் என்றும் சொன்னார்கள். ஆனால், ஸ்ரீதேவி தான் குழந்தை நட்சத்திரமாக அறிமுகமாகி, கதாநாயகியாகவும் அறிமுகமான தமிழ்த் திரையுலகிலோ, அல்லது புகழையும், பணத்தையும் அதிகமாக சம்பாதித்த தெலுங்குத் திரையுலகத்திலோ அறிமுகப்படுத்தப் போவதில்லையாம்.
ஸ்ரீதேவிக்கு பெயரையும், புகழையும், பணத்தையும், குடும்ப வாழ்க்கையையும் கொடுத்த ஹிந்தித் திரையுலகத்தில்தான் அறிமுகப்படுத்த உள்ளார் என்று சமீபத்திய தகவல்கள் தெரிவிக்கின்றன. ஹிந்தித் திரையுலகின் பிரபல இயக்குனரான கரண் ஜோஹர் இயக்கத்தில் தான் ஜான்வி கபூர் அறிமுகமாகிறார் என பாலிவுட் தகவல்கள் தெரிவிக்கின்றன. அதிலும் தனது தயாரிப்பில் மூன்று படங்களுக்கு நாயகியாக கரண் ஒப்பந்தம் செய்துள்ளார் என்கிறார்கள்.
சில நாட்களுக்கு முன்பு கூட நாகார்ஜுனாவின் மகன் அகில் ஜோடியாக ஜான்வி நடிக்க உள்ளார் என்று வந்த செய்தியைக் கூட நாகார்ஜுனா மறுத்திருந்தார் என்பது குறிப்பிடத்தக்கது. ஜான்வி ஹிந்தியில் அறிமுகமானால் நிச்சயம் தென்னிந்தியப் பக்கம் வரமாட்டார் என்பது மட்டும் நிச்சயம்.