ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
மதிப்பிற்குரிய கே.எஸ். ரவிக்குமார் அவர்களுக்கு,
15 வருடங்களுக்குப் பிறகு, சூப்பர் ஸ்டார், கே.எஸ்.ரவிக்குமார், ஏ.ஆர்.ரஹ்மான் கூட்டணியில் லிங்கா. ஏக எதிர்பார்ப்புகள் உடன், ரஜினி ரசிகர்கள் மட்டுமல்ல; அதற்கும் அப்பாற்பட்ட கமர்ஷியல் சினிமா ரசிகர்கள் மற்றும் ரஹ்மானின் இசைப்பிரியர்கள். இவர்களின் தனிப்பட்ட ரசனைகளுக்கு, உங்களால் சரியான தீனி போடப்பட்டுள்ளதா? இக்கேள்விக்கான பதில் என்னவென்று கடைக்கோடி ரசிகனுக்கும் இந்நேரம் தெரிந்திருக்கும்; உங்களுக்கும் தெரிந்திருக்கும்!
சூப்பர் ஸ்டாரின் அறிமுகம் எப்படி இருக்க வேண்டும்? சிலிர்க்க வைக்க வேண்டாமா? 'ஒருவன் ஒருவன் முதலாளி', 'எம்பேரு படையப்பா' போன்ற பாடல்களில் இருந்த ரஹ்மானின் இசைமெட்டுகள் மற்றும் வைரமுத்துவின் வரிகள், இவற்றை எதிர்பார்த்துப் போனால், எதுவும் எடுபடவில்லை. 'இதுவும் கடந்து போகும்'
என்பதுபோல், மனதில் தங்காமல் சென்று விட்டது. முதல் பாடலிலேயே ஏமாற்றத்தைப் பரிசளித்து விட்டீர்கள். படையப்பா மற்றும் முத்துவில், ரஜினி தோற்றுப் போகும்போது எங்களுக்குள் ஒரு வலி ஏற்படுத்தியது தங்களின் திரைக்கதை! ஆனால், 'லிங்காவில் திரைக்கதையே இல்லை' என்பதுதான் வலி!
படையப்பா போல் அல்லாமல் லிங்காவை வெறும் ஒரு படமாகத்தான் பார்த்தோம். ஜெயித்தால் ஜெயித்து, தோற்றால் தோற்று, அழுதால் அழுது, சிரித்தால் சிரித்து ரஜினி உடனேயே பயணிக்கும் ரஜினி ரசிகனின் ஆத்மார்த்த அனுபவம் 'லிங்கா'வில் மிஸ்ஸிங்! படம் முடிந்ததும், ''கோச்சடையானை சிறந்தவனாக்கி விட்டார் கே.எஸ்.ரவிக்குமார்” என, ஒரு ரசிகன் அலறினான். எனக்கு அவன்மேல் கோபம் வரவில்லை!
ஏமாற்றத்துடன்,
-சேஷ ராஜ சங்கரன், மதுரை.