Dinamalar

ஓமனில் டிரக்கிங் சென்ற பாடகி சித்ரா ஐயரின் சகோதரி உயிரிழப்பு

மஸ்கட்: ஓமனில் டிரக்கிங் சென்ற பிரபல பின்னணி பாடகி சித்ராவின் சகோதரி ஷாரதா ஐயர் விபத்தில் பலியானார். அவரது மறைவுக்கு பாடகி சித்ரா இரங்கலும், வேதனையும் தெரிவித்துள்ளார்.

கேரளாவின் தாழவா பகுதியைச் சேர்ந்த வேளாண் விஞ்ஞானி ஆர் ஐயரின் மகளும், பின்னணி பாடகி சித்ரா ஐயரின் சகோதரி, ஷாரதா ஐயர், 52. ஓமன் ஏர் நிறுவனத்தின் முன்னாள் மேனேஜரான இவர், கடந்த ஜனவரி 2ம் தேதி தனது குழுவுடன், ஜெபெல் ஷாம்ஸ் பகுதியில் டிரக்கிங் சென்றார். அப்போது, ஏற்பட்ட விபத்தில் சிக்கி ஷாரதா ஐயர் பரிதாபமாக உயிரிழந்தார்.

அவரது மரணத்திற்கான உண்மையான காரணம் பற்றிய தகவல் ஏதும் வெளியாகவில்லை. ஓமனில் இருந்து ஷாரதா ஐயரின் உடல், சொந்த ஊரான தாழவாவுக்கு கொண்டு வரப்பட்டு, ஜனவரி 7ம் தேதி இறுதிச்சடங்கு நடைபெறும் என்று குடும்பத்தினர் தெரிவித்துள்ளனர்.

கடந்த ஆண்டு டிசம்பர் 11ம் தேதி தான் தந்தை ஆர்டி ஐயரின் மறைவுக்காக கேரளா வந்த ஷாரதா ஐயர், டிசம்பர் 24ம் தேதி தான் மீண்டும் ஓமன் திரும்பியுள்ளார். தனது சகோதரியின் மறைவுக்கு பாடகி சித்ரா ஐயர் இரங்கல் தெரிவித்துள்ளார்

பாடகி சித்ரா ஐயர் மலையாளத்தில் பல பாடல்கள் பாடியிருந்தாலும் தமிழிலும் ‛‛தோழா தோழா.., அலே அலே.., அசத்துரா அசத்துரா...'' உள்ளிட்ட சில பாடல்களை பாடி உள்ளார்.

• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்
• 
  திகார் சிறையில் இருக்கும் நடிகருக்கு சம்பளம் உயர்த்தி தர கோரிக்கை வைத்த ...
• 
  அமீர்கான் மகனுக்கு ஜோடியான தமன்னா
• 
  ரூ. 40க்கு தனது சாப்பாடு தரும் அர்ஜித் சிங்

• 
  மீண்டும் இணையும் விஜய் சேதுபதி - தியாகராஜன் குமாரராஜா! நாளை பர்ஸ்ட் லுக்!
• 
  'இருமுடி' படத்தில் காவேரி ஆக பிரியா பவானி சங்கர்!
• 
  பாலகிருஷ்ணா 111வது படத்தில் நயன்தாரா மாற்றமில்லை!
• 
  பான் இந்தியா படங்களோடு மோதும் கென் கருணாஸின் 'யூத்'
• 
  மீண்டும் விஜய் பட தலைப்பில் புதிய பட அறிவிப்பு!